Góðir gestir.

Veður:12°/23,4° rigningarsuddi fram yfir hádegi í gær, en þurrt síðdegis og í dag hafa verið nokkrar sólarstundir, en gola.
Í gær fengum við góða gesti langt að komna. Það voru Jón og Hjörtur bræður Þórunnar ásamt eiginkonum. Þau komu akandi frá Svíþjóð og voru fremur óheppin með veður á leiðinni, fengu einum of mikið af rigningu. Vonandi að þau fái betra veður á meðan þau verða hér. Spáin er allavega góð fyrir næstu daga og ekki annað að gera en vona að hún rætist. Dagurinn í dag var notaður ti að fara í búðir, svo það þurfi ekki að eiða tíma í slíkt þegar góða veðrið brestur á.

Bræður Þórunnar og eiginkonur þeirra

Þórunn, Guðrún, Anna,Jóna, Hjörtur














Hjörtur, Jón, Þórunn, Guðrún, Anna.















Tjaldvagninn kominn inn á lóð

veður

Veður: 5,9/°21,7° Alskýjað, rigningarúði síðdegis.

veður

Veður: 7,3°/23,7° léttskýja

Veður

Veður: 7°/20,7° úrkoma 7 mm. rigning til hádegis, en eftir hádegi þurrt en skýjað.

Veður

Veður: 8,6°/25,7° skýjað til hádegis, léttskýjað síðdegis.

Óvænt árás.

Veður: 12,5°/26,4° skýjað í morgunn, en létti til þegar leið á daginn.
Jónína og Guðmundur heimsóttu okkur í dag ásamt móðir Guðmundar, en hún er orðin 86 ára og lætur sig ekki muna um að ferðast hingað með syni sínum.
Ég varð fyrir alvarlegri líkamsárás í gærdag, en er sem betur fer að jafna mig núna. Maður á síst von á því að ráðist sé að manni við að slá grasflötina sína, en ´´u er ég búinn að reyna að það eru ekki margir staðir öruggir í þessari veröld. En semsagt þar sem ég rölti í rólegheitum á eftir sláttuvélinni og átti mér einskins ills von kom stærðar fluga í vígahug og demdi sér á vangann á mér hægra megin rétt neðan við eyrað og sú var ekki lengi að sprauta í mig vænum skammti af eitri og gerði sig líklega til að gera aðra atlögu en mér tókst að berja hana frá mér með húfunni. Mig logsveið fyrst á eftir og í dag var ég eitthvað líkur hamstri öðru megin á andlitinu, en sem betur fer er þetta byrjað að jafna sig núna. Það leynast víða hættur.

Haglél

Veður: 11,7°/27,7° skýjað úrkoma 8mm.
Við fórum til aveiro síðdegis, sem ekki er í frásögur færandi nema fyrir veðrið sem við lentum í á heimleiðinni. Meðan við vorum í Aveiro varð himininn dekkri og dekkri og fór að sjást mikill ljósagangur, svo við þóttumst vita að það væri stutt í ærlega rigningu, en það var eiginlega rúmlega það, því það gerði þvílikt hagl og slyddu að við gátum ekki talað saman inni í bílnum þegar mest gekk á fyrir hávaðanum þegar haglið lenti á þaki bílsins.
Margir bílstjórar stöðvuðu bíla sína úti á kant á meðan versta veðrið gekk yfir.

Snyrta

Veður: 12,5°/28,4° úrkoma 6 mm. skýjap og gerði góða þrumuskúr síðdegis.
Morguninn notuðum við til að snyrta utandyra. Þórunn þvoði með háþrýstiþvottavélinni veröndina og bílskúrsgólfið á meðan ég klippti hekkin.

Regndropar

Veður: 11,1°27° skýjað, smávegis rigning í morgunn, en svo lítið að það var tæpast mælanlegt.

Nýr laukur

Veður. 11,1°/24,1° alskýjað í morgunn, en léttara yfir síðdegis.
Í dag var bragðað á fyrsta lauknum af þessa árs uppskeru og auðvitað bragðaðist hann mjög vel. Þetta var bara til að bragða á nýjum lauk, því enn er að minnsta kosti mánuður í að laukurinn sé fullþroskaður.

Burknar

Veður: 12,5°/19,7° alskýjað.
Þaðð rifjaðist upp fyrir mér í dag að á heimilum á Íslandi er víða verið með burkna sem stofublóm. Eins og sjá má á myndinni hér á síðunni er mikil gróska í burknunum núna á þessum árstíma, þeir eru víða meira en mannhæðar háir.

Kartöflurnar komnar í hús.

Veður 13,1°/28,5° Skýjap æi morgun, en léttskýjað síðdegis.
Það var mjög gott veður til að vinna í garðinum í morgunn, alveg hæfilega heitt. Þá er nú lokið að taka upp "allar" kartöflurnar í ár. Það er líklega hæfilega mikil uppskera sem við fengum úr garðinum, því við borðum ekki mikið af kartöflum.

Veður: 11,3°/34,5° léttskýjað.















Nú má víða sjá nýsána maísakra hér í nærsveitum okkar. Þessi snyrtilegi maísakur er við götuna okkar, beint á móti okkar húsi.


















Bóndabaunirnar gefa mjög góða uppskeru hjá okkur í ár. Hér sést Þórunn með nokkra myndarlega baunabelgi í höndunum. Hún Mathild grannkona okkar gaf okkur nýtt afbrigði af bóndabaunaútsæði, sem gefur óvenju góða uppskeru.
Svona til að leika alvöru bónda, þá verð ég að barma mér yfir lélegri kartöfluuppskeru í ár, en það verður meira af bóndabaunum en við komumt yfir að borða.

Notalega hlýtt

Veður: 10,2°/36° léttskýjað

Veður

Veður: 5,5°/28,5° heiðskýrt.

Veður

Hiti: 7,4°/23,1° úrkoma 2 mm. Smáskúir í nótt og morgunn, en birti til siðdegis.

Ferming

Graca vinkona okkar bauð okkur að vera viðstödd fermingu johana dóttur sinnar í gær. Við þáðum boðið auðvitað með þökkum, einnig bauð hún Jónínu að vera við ferminguna og hún þáði líka það góða boð. Hér eru börnin fermd átta ára, en þá eru þau búin að vera í kristnifræðslu hjá kirkjunni í tvö ár og á þeim tíma eiga þau að mæta til messu á hverjum sunnudegi ásamt foreldrum sínum, svo þetta er mjög mikil innræting sem fer fram á þessum tíma, en Johana var mjög ánægð með þetta.

Graca benti okkur á að mæta tímanlega til að fá sæti í kirkjunni og það kom sér vel að við fórum að þeim ráðum,því það var talsvert af fólki sem ekki komst in í kirkjuna, þó það væri setið í hverju sæti og staðið í göngum og anddyri.

Athöfnin var falleg og hátðiðleiki yfir öllu. Börnin voru í hvítum kirtlum.

Skátar stóðu heiðursvörð í kirkjunni.

Þegar athöfninni í kirkjunni var lokið var farið í skrúðgöngu frá kirkjunni eftir götum bæjarins um það bið eins kílómetra vegalend, en áður var búið að strá rósablöðum á þá leið sem gengin var. Klerkurinn gekk þessa leið undir viðhafnartjaldi sem fjórir menn héldu uppi. Í göngunni var líka verið með hljómflutningstæki með sterkum hátölurum og úr þessu tæki hljómaði messa og söngur. Þeir sem voru í göngunni tóku undir sálmasönginn. Þessar græjur voru ekki í alveg nógu góðu lagi, því það heyrðist talsvert slitrótt í þeim.

Að göngunni lokinni var farið in í kirkjuna á ný og farið með bæn, svona endapunktur á athöfnina. Öll athöfmim tók nær tveim tímum.

Seinni hálfleikur var svo veisla hema hjá fermingarbarninu, þar sem boðið var nánustu ættingjum og vinum, alls 35 manns.

Þau eiga nýtt og flott hús með mjög rúmgóðri stofu, en að portúgölskum hætti var veislan haldin í bílskúrnum í kjallara hússins. Þar var búið að setja upp tvö langborð og nokkur mini borð fyrir forrétti. Þetta var eins huggulegt og búast má við í ópússuðum og ómáluðum kjallara, en þetta er eitthvað sem viðgenst hér og allir eru mjög sáttir við.

Að venju háfst svo máltíðin með því að borin var fram súpa.

Í aðalrétt var svo heilsteiktur mjólkurgrís, húsbóndinn og aðstoðarmaður hans sáu um að britja grísina niður, en þeir voru keyptir fullsteiktir, frá enhverjum matsölustað. Með grísnum var borið fram salat, niðursneiddar appelsínur og grjón í leirfötum sem föðuramma fermingabarnsins sá um að elda upp á gamla móðinn í viðarkinntum bakarofni. Amman hefur þurft að fara snemma á fætur til að kinda ofninn, því það tekur langan tíma að hita upp svona ofna.

Í eftirrétt var svo verið með ís og nokkrar tegundir af kökum. Máltíðin stóð yfir í fjóra tíma, með smáhvíldum.

Eftir tvær vikur verður svo fermingarveisla í kjallaranum á ný, en þá verður frændi Joana fermdur, bróðursonur Graca mömmu Joana.

Ferming

Veður : 13,2°/22,3° skúraský, en sólarstundir. Það féllu nokkrir regndropar, en svo lítil úrkoma að það var vart mælanlegt.
Í dag vorum við fermingarathöfn og í fermingarveislu á eftir, en ég ætla að bíða með það til morguns að segja frá þessu.

Ferming

Í kirkjunni














Fermingarbörnin í skrúðgöngu















Gatan blómum skrýdd


















Graca Joana Artur