7,8/12,4° úrkoma 31,7 skúrir.
| 5,6 | 14,1 | 334,8 | Mt |
| -3,7 | 20,2 | L/H | |
| 9,8 | Mt 24 |
Veðurmælingar í deseber, eins og sjá má hefur verið fremur úrkomusamt, eða samtals 334,8 mm. Hitatölur eru bara í meðallagi.
Þar sem þetta er síðasta færsla ársins vil ég nota tækifærið til að þakka fyrir samskiptin á árinu sem senn er á enda og óska öllum gæfu og góðs gengis á komandi ári.
10,5/17,5° úrkoma 40,2 mm. rigning af og til í dag.
Hér sjást heimiliskettirnir vera að hugga sig inni á meðan það rignir utandyra.
7,1/12,4° úrk. 47,3 mm. rigning síðustu nótt, en þurrt í dag fram að kaffi,en þá byrjaði að rigna á ný.
10,4/16,6° úrkoma 33,2 mm.rigning í nótt en þurrt í dag framm að kaffi, þá byrjaði að rigna á ný.
4,1/14,5° úrkoma 4,2 mm. hálfskýjað
Veður í nóv. ‘urkoma 265,5 mm. lægsti hiti 1,9 hæst 21,5°
9,5/19,5° úrkoma 17,6 mm. rigndi í nótt en þurrt í dag og sæa apeins til sólar um miðjan daginn.
Þó talsvert hafi áunnist hér í landi varðandi umgengni er enn langt í land að hún sé viðunandi, eins og sjá má á þessari mynd sem ég tók í morgunn á gönguferð um fáfarinn skógarstíg þarna liggja tvær rúmdýnur í vegarkantinum og stinga illilega í augu í þessu náttúrlega umhverfi.
14,8/23,1° úrkoma 11mm. þokusúld frameftir degi, en alvöru rigning síðdegis.
Mjög vel þegið að fá þessa vætu fyrir gróðurinn.
10,9/35,1° léttskýjað.
Ég hélt að ég væri búinn að sjá allt sem skoðunarvert er í nágrannabænum okkar Albergaria, en í morgunn þegar leikfimiflokkurinn okkar fór í gönguferð að þessari þvottalaug sem myndirnar eru af sá ég að þar hafði ég á röngu að standa. Það er ótrúlegt að sjá hvað það hefur verið lagt mikið í að skreyta veggina við þvottalaugina.
7,7/32,5↑8 léttskýjað.
Hér er mynd af litlu kisu þar sem hún fær sér blund eftir góðann morgunverð, gott að láta sólina skína á belginn meðan hann vinnur sitt verk.
11,1/29,6° léttskýjað/gola.
Eins og sjá má á þessari mynd sem ég tók í dag af honum Prins okkar og unglingnum sem ákveðið hefur að eiga hér heima getur þurft að þrífa ungviðið hvort sem því líkar eða ekki.
11/33,5° léttskýjað.
Myndin af þessum potti á hlóðum var tekin hjá nágrönnum okkar í dag, en ekki eins og ætla mætti snemma á síðustu öld. Fólkið staðhæfir að maturinn bragðist mun betur þegar eldað er á hlóðum en ekki yfir gasi eða rafmagni.
11,9/32° léttskýjað.
Í dag fórum við í gönguferð með fólkinu sem við erum með í leikfimi og nokkur barnabörn voru með í för. Það var gengið að útivistarsvæði, þar sem eru borð og bekkir í skugga stórra trjáa , sem sagt mjög huggulegur útivistarstaður. Þetta er sirka hálftíma gangur á venjulegum gönguhraða , en við vorum eitthvað lengur því sumir eiga svolítið erfitt með gang, en það var heldur enginn sem sagði flýttu þér.
Fólkið tók svo mikinn mat með sér til að borða þarna að það var sendur bíll með nestið, en við Þórunn gátum borið okkar nesti einn banana og kexsköku og vatn til að drekka, en við erum ekki þáttakendur í þessari matarsamkeppni. Fólkið var líka með mikið af víni með sér, en það sér samt aldrei vín á nokkrum manni í svona ferðum. Það þykir bara sjálfsagt hér að drekka vín með mat. Þegar sessunautur minn bauð mér vín og ég afþakkaði og sagðist frekar vilja drekka vatn, sagði hann mér að vatn væri bara til að vökva gras en til að drekka notaði maður vín. Það er mikil samkeppni hjá konunum að vera með sem mestan mat með sér og svo er gengið um og reynt að fá fólk til að smakka á öllu. Maður verður að vera dálítið harður af sér að segja nei takk, því það er enginn vegur að gera öllum til geðs með því að bragða á öllu því sem í boði er. Ég set hér eina mynd af risaköku sem var fyrir framan mig á borðinu og ég varð að vera svo dónalegur að afþakka. Svo er mynd af borðinu sem við sátum við og að lokum, mér fannst svo flottur baksvipurinn á þessum vinum mínum að ég gat ekki stillt mig um að taka mynd af þeim Í gríni kalla ég þau litlu Gunnu og litla Jón, því þau eru mjög lágvaxin.
12,5/25,1° þokuloft og smávegis þokusúld af og til, en of lítil úrkoma til að regnmælirinn næði að mæla úrkomuna, en allavega gott fyrir gróðurinn að fá þessa rekju.
Það er að verða árvisst hér að það komi köttur hingað nær dauða en lífi vegna hungurs. Um þetta leiti í fyrra birtist hann Prins okkar hér grindhoraður og illa útlýtandi og vitanlega var honum gefið að borða og síðan hefur hann verið hér okkur til ánægju. Prins hefur greinilega verið vanur góðu atlæti, því hann er mjög gæfur og kelinn.
Þegar við komum heim úr íslandsferðinni í lok júní var svo kettlingur að sniglast hér í kring, grindhoraður og mjálmaði í sífellu vegna hungurs. Þessi kettlingur var styggur og var um sig, en er nú farinn að spekjast og er smásaman að treysta okkur. Kettlingnum var líka gefið að borða eins og prins fyrir ári síðan og hann unir hag sínum vel hérna og er greinilega ekki á förum á meðan hann getur gengið að mat sínum vísum á hverjum degi. Prins leyfir kettlingnum að borða með sér, hins vegar getur hann orði pirraður út í kettlinginn þegar hann vill vera að fljúgast á, en þá gefur hann unglingnum bara vink með annarri loppunni, eða bítur hann í hnakkadrambið til að fá frið. Á myndinni eru þeir félagarnir að næra sig.
14,5/30,5° úrkoama 2,1mm. úrkoman féll í nótt, en í dag var léttskýjað.
Hér sést leikfimihópurinn okkar sýna dans í Albergaria í morgunn.
11,2/29,8° léttskýjað í morgunn, en þokuloft síðdegis.
Var að leika mér að setja saman þrjár myndir teknar á sama stað í garðinum og fá með því víðara sjónarhorn.
Veður: 15,6/33,8° léttskýjað.
Í dag tókum við upp laukinn, uppskeran í ár er mjög góð, en í fyrra var uppskeran fremur léleg.
Hvernig væri að elda lauksúpu einhvern daginn.
Þessi vó 750 gr.
Veður: 16,4/34,2° léttskýjað.
Hér koma niðurstöður veðurmælinga í júní: Mesti hiti 39,7° minnsi hiti 7,5, meðaltal hámarkshita 30°.Úrkoma 104mm.
Læt fljóta með eina mynd sem ég tók niður við strönd í góða veðrinu í dag.
Veður: 10,9/29,3° léttskýjað.
Það er oft talað um að það þurfi sérstaka mold og áburð fyrir hverja tegund af plöntum til að þær dafni, en slíkt á greinilega ekki við um þessa plöntu hérna á veröndinni við húsið, þar sem ekkert er að hafa nema steinsteypu og marmara. Það var enga plöntu að sjá þarna fyrir tveim vikum þegar við lögðum upp í Íslandsferðina, en svona leit hún út í dag þrátt fyrir að hitinn hafi suma dagana komist í 39°
15,7/26,7° úrkoma 5,5mm.skúraveður og alskýjað til hádegis, en bjartara og hlýtt síðdegis. Nú er spáð þurrviðri og hlýju verði næstu daga.
Á morgun förum við til Íslands og verðum þar í hálfan mánuð og á meðan liggja veðurfréttir frá Portúgal niðri.
12,7/23,5° úrkoma 44,7mm það voru hressilegar regndembur frá því snemma í morgun og fram eftir degi sem skiluðu allri þessari úrkomu, en vatnið er að sjálfsögðu vel þegið fyrir gróðurinn. Það er búið að rigna 5mm meira þennan sólarhring en allann maímánuð.
14,4/19,3° úrkoma 3,4mm. alskýjað, en þurrt í dag, rigndi í nótt.
%5B2%5D.jpg "003 (577x1024)")
%5B2%5D.jpg "002 (1024x577)")
Svona lítur laukurinn út í dag, sumt af honum er að verða fullvaxið.
10/26° úrkoma 0,7mm. skýjað og smá skúr í morgun, en birti til þegar leið á daginn.
Sá þetta sérkennilega tré í dag, blómin á því líkjast flöskubursta.
8,5/28,5° úrkoma 2,1mm. Að mestu skýjað í dag og náði að gera skúr um kaffileitið, hef'ði gjarnan mátt vera meira.
12,4/22,1° úrkoma 10mm. Rigndi í morgunn, en létti til síðdegis.
Niðurstöður veðurathugana i apríl.
Meðaltal næturhita.5° daghita 21,7°, lægsti næturh. 0,4 mesti dagh.33°. Meðalhiti 13,3° Úrkoma 111,2mm og úrkoma mældist 13 daga.
4,1/21° skýjað og rigningarúði í morgunn og aftur í kvöld, en svo lítið að það mældist ekki.
Í dag settum við upp brunaboða hér í húsið. Það er til skammar að segja frá því að þetta er í fyrsta sinn sem ég set upp brunaboða í húsi sem ég bý í, ekki seinna vænna að bæta ráð sitt eftir rúmlega hálfrar aldar trassaskap.
0,9/19,7° léttskýjað í morgunn, en þykknaði upp þegar leið á daginn.
Það er þjóðhátíðardagur hér í landi í dag.
Veður: 3,4/33° að mestu léttskýjað.
Í dag fórum við á stóra vörusýningu í Aveiro, en þar er sýnt allt sem nöfnum tjáir að nefna. Frá saumnálum til glæsibíla og alt þar á milli. Þarna er líka verið með tívolí.
