Veður: 3,7°/26° svolítil þokumóða í lofti, svo sólin náði ekki fullum stirk.
Ég var í bóndaleik í dag, aðallega í að hreinsa arfa úr kartöflubeðinu og nú verð ég að barma mér eins og sönnum bónda sæmir og ekki að ástæðulausu, því það hefur drepist um þriðjungur af kartöflugrösunum í næturfrostunum í marsmánuði. Það kemur sér vel að eiga ekki lífsafkomu sína undir kartöfluuppskerunni þetta árið, en þetta sýnir að ræktun er dálítið happadrætti. Nú en á móti kemur að kálið er mjög fallegt og sama er að segja um bóndabaunirnar, það lítur vel út með uppskeru á þeim.
Það er ekki matarlaus bær á meðan þetta kál er óborðað.
Þetta verkfæri er alveg ómissandi í garðræktinni.
2 ummæli:
Já Palli minn það er ekki sopið kálið fyrr en í ausuna er komið. En þú þarft nú ekki að hafa áhyggjur af kálinu þínu sem er svona líka frísklegt og fínt. Það er hinsvegar sorglegt að kartöflugrösin skuli ekki hafa staðið af sér frostnæturnar.
Kær kveðja úr Salahverfinun þar sem kálið fæst bara í Nettó.
Þetta átti auðvitað að vera þó í ausuna sé komið.
R
Skrifa ummæli