Nú er horfið.....

Veður: 10,8°/30,2° léttskýjað.

Nú er horfið norðurland nú á ég hvergi heima, þessi orð komu upp í huga mér í gær í boðinu hjá hjónunum sem við eru með í leikfimi. Þau hjón eru bæði úr sama þorpinu hér í norðaustur Portúgal en fluttu þaðan fyrir 36 árum og settust þá að þar sem þau búa nú. Að þeirra sögn er betra mannlíf þarna norður frá sem kallað er að fjallabaki, fólkið vingjarnlegra og einlægara en hér í grennd. Maturinn þarna er líka betri, í gær voru þau með það sem kallað er precunto, sem er hrátt þurrkað og mjög þunnt sneitt svínakjöt. Þau voru með þetta eins og það er verkað hér og líka eins og það er verkað í þeirra fæðingarsveit og auðvitað var það kjöt sem var úr fæðingarsveitinni mun bragðbetra að þeirra sögn. Ég get viðurkennt að það var bragðmunur á þessu, en hvort var betra eða verra er svo önnur saga. Þau voru líka með ost að heiman sem á sér engan líkan að þeirra sögn, en mínir bragðlaukar eru ekki á sama máli. Ólífuolían er heldur ekki nothæf nema úr heimasveitinni.
Húsið sem þau eiga er í dæmigerðu litlu sveitaþorpi. Húsið er mjög gamalt en þau eru búin að gera það allt upp, svo það lítur vel út þó það sé ekki mjög þægilegt til íbúðar. Það sem var víngerð í kjallaranum þegar þau fengu húsið er nú borðstofa, en eldhúsið á hæðinni fyrir ofan, ekki mjög þægilegt en þessi borðstofa er ekki notuð nema þegar margt fólk er í mat. Við vorum samt látin borða þarna í gær, en það hefði verið mun notalegra að fá að borða í eldhúsinu, því það er rúmgott. Það er ekki innangengt úr íbúðarhúsinu inn í stofuna, það verður að fara út á veröndina við húsið til að komast í stofuna, kemur sér að hér er ekki snjór og frost.
Bak við húsið eiga þau talsvert land, þar sem þau eru með skepnur, þau eru með margar kanínur, nokkur hænsni og svín. Á landinu rækta þau það fóður sem þarf í þessa gripi. Þau framleiða kjöt til að selja.
Hann sagðist hafa unnið í pappírsverksmiðju sem er þarna skammt frá í tíu eða tólf ár þegar ég spurði hann við hvað hann hefði unnið, frúin var fljót að leiðrétta manninn og sagði að árin sem hann vann þar hefðu bara verið fjögur. Hann sagði líka að sonur þeirra sem enn býr á hótel Mömmu og var þarna væri 32 ára, en sonur innsagðist vera 35. Sonurinn hjálpaði Mömmu sinni við að bera ýmislegt upp og niður stigana, sem kom sér vel fyrir hana, því hún er nokkuð mikið feit svo stigaganga er ekki það besta sem hún lendir í, hinsvegar lét bóndinn alveg eiga sig að snúast í kring um kellu sína.
Hér fyrir neðan er mynd af frúnni við ´tigrillið

Heimboð

Veður: 11,9°/29,9° þoka í morgunn, en orðið léttskýjað um hádegi´


Í kvöld vorum við boðin í mat til hjóna sem eru með okkur í leikfimi. Geri þeirri heimsókn betri skil á morgunn.

Appelsínur

Veður: 8,8°/29,3° heiðskírt.

Það eru tvö appelsínutré hér í Austurkoti og það er mjög misjafnt milli ára hversu mikinn ávöxt þau bera, en í ár er það meira en þau ráða við svo ég hef verið að tína talsvert af ávöxtunum af þeim á meðan þeir eru smáir. Þetta er gert bæði til þess að greinarnar brotni ekki af trénu þegar appelsínurnar eru orðnar stórar og eins er þetta gert til að fá stærri og betri appelsínur. Appelsínutrén blómgast í maímánuði og um áramót eru þær orðnar fullþroskaðar. Þær geymast svo á trénu fram á sumar, í síðustu viku borðaði ég appelsínu sem var góð, en nú er ekki meira að hafa fyrr en um jól.
Appelsínutréð













Appelsínurnar eins og þær líta út núna, þegar enn eru nær fimm mánuðir í að þær séu fullþroskaðar.

veður

Veður: 16,3°/27,8° úrkoma 22 mm. Byrjaði að rigna um klukkan tíu í gærkvöldi og hefur rignt eitthvað fram eftir nóttu, það kemur sér vel að fá þessa vætu fyrir gróðurinn. Í dag var að mestu léttskýjað og í kvöld er orðið heiðskírt.

veður

Veður: 6,6°/28,9° léttskýjað fram eftir degi, en þikknaðu upp með kvöldinu og nú lítur jafnvel út fyrir að það rigni í nótt.

veður

Veður: 7,1°/26,5° léttskýjað

Gott ferðalag

Veður: 7°/28,3° léttskýjað.

Í gærdag vorum við á ferðalagi með leikfimihópnum okkar alls 42 manns. Það var farið í tveim littlum rútum og við vorum í þeirri sem lagði síðar af stað, en á hraðbrautinni á leiðinni tók okkar maður fram úr hinni rútunni við mikil fagnaðarlæti farþega sinna, þó þeir séu allir komnir af léttasta skeiði. Ferðinni var heitið til að skoða garð í nágrenni Porto. Þetta er stór garður með merktum plöntum og trjám, en einnig er í garðinum ýmsar dýrategundir, þó mest fuglar. Það er malbikaður göngustígur sem farið er eftir og hann er nær þriggja kílómetra langur. Það tók um tvo tíma að fara þessa leið því það eru svo margir staðir sem þarf að stoppa á til að skoða dýrin. Það er reynt að hafa þau í sem eðlilegustu umhverfi.
Þegar gönguferðinni var lokið var komið hádegi og nær allir höfðu tekið nesti með sér, en við keyptum okkur mat á veitingastað sem er þarna á svæðinu. Þarna er líka mjög góð aðstaða fyrir fólk til að borða nestið sitt. Við fórum þangað þegar við vorum búin að borða og þá vildu allir troða í okkur meiri mat, það er venja hér í svona ferðum að vera með allt of mikinn mat og reyna að fá aðra til að bragða á góðgætinu sem verið er með. Að sjálfsögðu gengu bílstjórarnir á milli góðbúanna, svo þeir fengu örugglega magafylli.
Við Þórunn vorum að taka myndir í ferðinni, enda þau einu sem voru með myndavélar. Fólki hér finnst svo varið í að það séu teknar af því myndir. Það eru hjón með okkur í leikfimini sem við nefnum okkar á milli littlu Gunnu og littla Jón, því þau eru svo lág í loftinu. Littli Jón er alltaf kátur og hress og hrifir sig líkt og Chaplin gerði í sýnum myndum. Ég smellti mynd af karli þar sem hann var að vappa um, þá kom hann og bað mig um að taka mynd ad sér við hlið Gunnu sinnar, sem, ég gerði að sjálfsögðu. Ég prentaði myndina svo út og færði honum í morgunn,en þá var síðasti leikfimitími fyrir sumarfrí, það var ekki lítið sem minn maður var kátur að fá þessa mynd og mikið þakkaði hann vel fyrir þetta lítilræði.
Næsti áfangi í ferðinni var svo að skoða víngerðarhús á bökkum Duro árinnar, en þar er hið fræga portvín framleitt. Hópurinn fékk leiðsögn um víngerðina. Það er mjög fróðlegt að sjá þessar risastóru ámur sem vínið er geymt í og tunnur og flöskur í ótölulegum fjölda. Að lokum var fólki boðið að bragða á veiguunum og kaupa sér vín, ef það vildi. Þetta var mjög ánægjulegt og fróðlegt ferðalag.
Hér fyrir neðan er mynd af einu matarborðinu, þar sem verið er að reyna að troða mat í fólk. Þarna bara mátti ég til að bragða á osti frá æskuslóðum einnar húsmóðurinnar.

Myndir úr ferðalagi til Porto

Jón og Gunna ásamt ferðafélögum, strákurinn við hlið þeirra er tíu ára














Vínámur og flöskur

veður

Veður: 10,4°/26,2° léttskýjað

veður

Veður: 7,1°/28,3° léttskýjað.

Matur-ferðalag.

Veður: 9,1°/27,6°.Þetta er veðurathugun fyrir tvo daga. Í gærmorgunn var rigning annann daginn í röð sem er óvenjulegt í júlímánuði, í dag hefur verið að mestu léttskýjað.

Við lögðum upp í ferðalag í gærmorgunn þrátt fyrir smávegis rigningu, en það stytti upp þegar leið á daginn svo við vorum bara ánægð með að fá rigningu vegna gróðursins. Við byrjuðum á að heilsa upp á Grösu og fjölskyldu þar sem hún er á tjaldstæði með hjólhýsið sitt og bróðir hennar er þar líka með sitt hjólhýsi og auðvitað eru þau þarna ásamt sínum fjölskyldum Grasa var í góðu skapi þrátt fyrir rigninguna, en hún segir að það bregðist varla að ef hún fari í frí þá komi rigning. Við vorum boðin í mat þarna í hjólhýsunum, en þau voru að byrja að elda fisk þegar við komum og það var ekki við annað komandi en við borðuðum með þeim. Þetta var dæmigerð portúgölsk máltíð sagði Grassa okkur. Þau höfðu keypt nýjan smáfisk af fisksala niður í fjöru daginn áður. Fiskurinn var soðinn og síðan beinhreinsaður og að því búnu var hellt yfir hann ólífuolíu og ediki. með þessu voru borðaðar soðnar kartöflur og strengjabaunir ásamt brauði, ekki flókið en bragðaðist vel. Grassa sagði að svona matreiðslu væru þau systkinin vön frá því þau myndu eftir sér. Soðinn fiskur einu sinni á dag ásamt kartöflum og mismunandi grænmeti. Aðal magafyllin var í kartöflunum því fiskurinn var mjög naumt skammtaður alveg eins og í gær. Þau höfðu keypt 7 littla fiska handa sjö manns. Grassa og bróðir hennar sugu beinin úr hausunum, en það er eitthvað sem þau eru vön að gera frá unga aldri. Þetta var sem sagt fróðleg stund um portúgalskar matarvenjur.
Eftir dvölina með grösu og fjölskyldum héldum við áfram ferðinni á okkar áfangastað sem var bær að nafni Caldas da rainha, eða böð drottningarinnar. Þarna er heitt vatn í jörrðu og meira að segja er af því ósvikin hveralykt. Gigtveik drottning Portúgals sem átti leið þarna um á fimmtándu öld frétta að því að fólki með ýmsa kvilla batnaði þeir í þessum böðum svo hún fór í þessi böð og fékka bót meina sinna svo hún seldi eitthvað af skartgripum sínum og lét reisa þarna heilsuhæli og enn þann dag er starfandi þarna nokkuð stór baðstaður. Það er líka mjög fallegur og vel hirtur garður í þessum bæ. Við vorum á rölti um bæinn í fjóra tíma í gær og fengum okkur gönguferð um gamla bæjarhlutann aftur í morgunn áður en við lögðum á stað heim.

Trjágöng í garðinum í Caldas da Rainha.

Frábært að fá rigningu.

Veður: 15,4°/24,5° úrkoma 15 mm. Það byrjaði að rigna um fótaferð og rigndi fram yfir hádegi, sá aðeins til sólar síðdegis. Það var alveg frábært að fá þessa rigningu til að vökva fyrir sig. Þessi væta kom sér mjög vel fyrir okkur, því við ætlum að bregða okkur af bæ í tvo daga og eftir þessa rigningu þurfum við ekki að hafa neinar áhyggjur af vökvun á meðan.

Verslað

Veður: 9,4°/31,9° Léttskýjað í dag, en undir kvöld er skýjabakki að færast upp á vesturloftið, ekki seinna vænna ef spá um rigningu á morgunn á að rætast.

Dreif mig út að hjóla í morgunn áður en það yrði of heitt, varkominn heim aftur um hádegi og var þá búinn að hjóla 34 Km. Fór hring sem ég fer nokkuð oft, en nú er orðið of langt um liðið síðan ég hef farið þennan hring. Hef verið of latur að hjóla að undanförnu, en búinn að jóla tvisvar í þessari viku, sem verður bara að teljast gott. Það er fremur lítið um að vera á akurskikunum sem ég sá í dag. Víðaster búið að taka upp kartöflurnar og nú er beðið eftir að maísinn þroskist.
Í hjólaferðinni sá ég að það var kominn tími á að endurnýja hjálminn, síðast endurnýjaðu fyrir sex árum þegar ég datt á hjólinu svo ég rotaðist og það kom sprunga í hjálminn. Ekki vafi að hann bjargaði í mér líftórunni.
Síðdegis fórum við í verslunarferð og byrjuðumá að kaupa nýjan hjálm og fyrst ég var kominn í verslunarham, hélt ég bara áfram að versla og keypti mér buxur og tvær skyrtur. Við vorum þarna tvö pör á sipuðum aldri við karlmannabuxna standinn og í báðum tilvikum voru það konurnar sem virtust ráða ferðinni, svona eru þær góðar við okkur blessaðar. Við karlarnir stöndum okkur ekki svona vel þegar kemur að því að konurnar okkar þurfi að velja sér flík, þá eru við bara að dinglast ein hvers staðar í kring um þær, í stað þþess að koma með pils til þeirra og segja að þessi litur fari svo vel við brúna jakkann hennar. Við strákarnir megum svo sannarlega taka okkur á í þessu efni eins og svo mörgu öðru.

veður

Veður: 13,8°/29,6° þokuloft til hádegis, heiðskírt síðdegis

Laukur

Þegar laukurinn er fullþroskaður visna blöðin á honum og leggjast út af, eins og sést á myndinni hér fyrir neðan.









Laukusprettan í sumar var mjög góð, en í fyrra var hún léleg, hvað veldur veit ég ekki. Hér mynd af einum góðum

Laukur

Hér sést laukur sem búið er að flétta og bíður þess að verða hengdur upp til geimslu.










Þessi mynd af lauknum er tekin hér upp á geimslulofti og sýnir hvernig laukurinn er hengdur upp, þannig að það lofti vel um hann, því þannig geimist hann best.

veður

Veður: 10,9°/32,5° heiðskírt

Ný tækni

Nú er ég farinn að notfæra mér nýja tækni varðandi notkun tölvunnar, en sú tækni býður upp á að nota tvo skjái við sömu tölvuna. Með þessu móti get ég haft síðuna sem ég er að skoða stækkaða á öðrum skjánum sem þýðir að ég sé ekki nema hluta af síðunni í einu, sem verður oft til þess að það fer eitthvað framhjá mér sem ég hefði viljað skoða, en með því að hafa síðuna í eðlilegri stærð á skjánum til hægri hef ég yfirsýn yfir alla síðuna þar. Einnig býður þessi tækni upp á að skjalið fari á báða skjáina í einu sem þýðir mun stærri mynd og minni þörf á að vera að renna myndinni til hliðar til að sjá það sem er á skjánum hverju sinni. Það er líka möguleiki að vinna með sitthvort viðfangsefnið á sitthvorum skjánum.
Það er gott að eiga þess kost að geta nýtt sér tölvutæknina til að létta sér lífið, það er til dæmis alveg stórkostlegt að geta látið lesa fyrir sig allan texta sem birtist á skjánum og geta skrifað inn texta með því að talgervill les hvern staf sem sleginn er inn og svo orðið þegar ítt er á stafabil.

veður

Veður: 10,5°/32,7° heiðskírt

veður

Veður: 9,5°/31,3° heiðskírt

veður

Veður: 8,1°/28° léttskýjað.

veður

Veður: 14,6°/29° skýjað í morgun, léttskýjað síðdegis

Þoka

Veður: 14,8°/30,9° okuloft til hádegis, en léttskýjað síðdegis.

Við fórum í gönguferð í morgunn á meðan þokan grúfði enn yfir dalnum,því þá var alveg hæfilega heitt. Myndin hér fyrir neðan var tekin af brúnni yfir Caima ána og þar sést hvar hluti af Vale Maior kúrir sveipaður þokumóðu. Það er erfitt að trúa því að þessi árspræna sem sést á myndinni var í þvílíkum ham fyrir rúmum sjömánuðum að hún gróf undan einum brúarstólpanum, svo brúin seig niður um miðjuna og síðan er hún búin að vera lokuð fyrir bílaumferð og enn sjást þess engin merki að það eigi að hefjast handa við að gera við brúna

veður

Veður: 15°/34,9° heiðskírt

Ávextir

Veður: 10,1°/34° heiðskírt. Í dag var eðlilegt hitastig miðað við árstíma, en að undanförnu hefur verið heldur svalara í veðri en en í meðalári, sem þíðir bara að það hefur verið mjög þægilegt veður.
Nú eru perurnar orðnar þroskaðar hjá okkur eins og sjá má á meðfylgjandi mynd. Perurnar eru algjört lostæti að borða þær beint af trénu sólvolgar. Mér finnst það eiga við um alla ávexti að þeir séu bestir á bragðið volgir. Mér finnst ekki gott að borða ískalda ávexti, þá er komið af þeim eitthvert kuldabragð sem ég kann ekki að meta. Ávextir sem teknir eru fullþroskaðir af trénu og borðaðir strax er allt annar matur en ávextir sem teknir eru af trénu áður en þeir eru fullþroskaðir svo hægt sé að flytja þá óskemmda á markað.

veður

Veður: 14,5°/28,4° léttskýjað.

Að heilsast og kveðjast

Veður: 14°/22,4° alskýjað og regndropar af og til, en varla næg úrkoma til að mæla í mínum ónákvæma úrkomumæli.

Það er hálf tómlegt í kotinu núna, því Inga dóttir mín ásamt eiginmanni og syni fóru í morgunn til Algarve. Það var svo indælt að hafa þau hér hjá okkur og nú hugsa ég bara um þær góðu stundir sem við áttum saman og hlakka til að sjá þau aftur sem fyrst. Myndin af þeim hér á síðunni var tekin í morgunn rétt áður en þau fóru.

Veður

Veður: 14,7°/28° skýjað í morgunn, en léttskýjað síðdegis.

Fjörulallar

Veður: 15°/25,3° úrkoma 2 mm. Hefur gert góða skúr í nótt, en alveg þurrt í dag. Skýjafar svipað í dag og var í gær, skýjað morguns og kvölds, en léttskýjað um miðjan daginn.
Lífinu var tekið með ró hér í dag. Það var búið að ákveða í gær að nota daginn í dag til að skoða mannlífið og byggðina við ströndina og við það var staðið, þó sólin væri spör á sig fram yfir hádegi. Það passaði að þegar við vorum komin niður að ströndinni var sólin farin að skína, svo við fengum mjög gott veður til að rölta um. Fyrst fórum við í góðan göngutúr í flæðarmálinu. Þó það væri alveg logn var óvenjumikið brim, svo það var engum leyft að fara í sjóinn nema þeim sem voru í blautbúningum og á brimbrettum.
Eftir fjörulallið var gengið um göturnar og að sjálfsögðu var litið við á kaffiihúsi.
Á mydinni má sjá Þórunni, Ingu og Ingólf Pál. Ég vona að það megi líka gera sér grein fyrir ölduganginum við ströndina.

Grautarskóli

Veður: 10°/24,6° skýjað í morgunn s.milega bjart um mipjan daginn, en aftur skíjað í kvöld.
Inga og Ingólfur Björn skokkuðu i morgunn á meðan var Ingólfur Páll í grautarskóla hj´´a Afa sínum. Hann var áhugasamur nemandi að læra hvernig á að bera sig að við að elda grjónagraut úr hýðisgrjónum. Þetta tókst vel hjá okkur frændunum ef marka má viðtökurnar sem grauturinn fékk. Síðdegið var notað til að skoða Aveiro og fara í búðir. Eftir því sem þau segja er ótrúlegur verðmunur á fatnaði hér og á Íslandi.

Ferðalag

Veður: 6,8°/29,1° heiðskírt.

Bjarta veðrið í dag notuðum við til að fara með okkar fólki hring um Estrela, eða Stjörnufjöll. Þetta er skemmtilegt ferðalag, því landslagið er fjölbreytt, berir klettar,landslag eins og maður gæti ímyndað sér á tunglinu, svo eru vín og ólífuræktarhéruð.
Þessa mynd hér fyrir neðan tók ég í ferðinni í dag af íbúa stjörnufjalla, sem ég held að sé ekkert á förum af fjallinu á næstu dögum.

Hlaupið, Hjólað

eður: 8,9°/25,9° Þoka framundir hádegi, en léttskýjað síðdegis.

Við erum búin að njóta þess að vera með Ingu Dóttur minni og Ingólfunum í dag. Inga og Ingólfur stunda hlaup af miklum krafti og eftir morgunkaffi fórum þau að hlaupa og við fórum með þeim, en ekki á tveim jafnfljótum, nei við völdum auðveldari leið og fylgdum þeim eftir á hjólunum ásamt Ingólfi Páli. Ég reyni að setja inn mynd sem tekin var við þetta tækifæri.
Síðdegis fórum við svo me þeim í ökutúr til að sýna þeim nágrennið. það var komið við á kaffihúsi til að sýna þeim kökuúrvalið þar og bragða á hnallþórum. Þeim fannst verðið fyrir veitingarnar ótrúlega lágt í samanburði við Ísland.

Nú er ég loks kominn með nothæfan íslenskan talgervil í nýju tölvuna mína, þetta er að vísu eldri útgáfa af talgervli og hljómar ekki vel, en gerir mér engu að síður kleift að nota tölvuna. Þeir sem sáu um að útvega leifi fyrir þennan talgervil vildu ekki leita eftir leyfi fyrir þennan talgervil töldu það þíðingarlaust þar sem nýrri talgervill vann ekki með Vista. En þegar mér tókst loks að nudda þeim til að fá leifi til að nota þetta virkaði talgervillinn strax, þvílíkur léttir fyrir mig, þó röddin sé ekki sú besta í heimi, þá venst hún.

Góðir gestir

Veður: 6,8°/28,7° heiðskírt.

Náðu í kassa. Nei þessi er of stór, finndu minni kassa, er þessi góður, nei hann er líka of stór, en þessi er hann mátulegur, já þessi er góður. Finndu slaufu í skreytingu á pakkann, hvernig finnst þér þessi, hún er ómöguleg, ég bý bara til slaufu. Að þessu samtali urðum við vitni í morgunn þegar við fórum í búð í Albergaria til að kaupa lítilræði til að gefa dóttur minni í afmælisgjöf. Það er svo þröngt í þessari verslun að ósjálfrátt dregur maður inn magann áður en farið er inn til að riðja nú engu um koll. Við þekkjum nokkuð vel kaupkonuna í þessari verslun og hún sagði okkur að samtalið sem ég sagði frá hér fyrir ofan hafi verið á milli unglinga sem eru í starfsþjólfun hjá henni á vegum skólans í bænum. Stúlkan var ansi ákveðin og röggsöm og sneri stráknum í kring um sig eins og hræddum rakka, það var skondið að sjá þetta.

Nú eru komnir góðir gestir í kotið, dóttir mín ásamt eiginmanni ogsyni þeirra, svo nú verður ekki skrifað meira í þetta sinn. Ætla að njóta þess að vera með mínu fólki.

Veður

Vepyr: 7,1°/27,6248 heiðskírt.

Veður

Veður: 15,5°/26,1° nokkrir regndropar hafa fallið í nótt, en í dag var léttskýjað.

Afmæli

Veður: 11,2°/26° skýjað.

Aðalverkefni dagsins í dag hjá okkur var að fara á kaffihús og samfagna með afmælisbörnum í fjölskyldunni, sem áttu afmæli í vikunni sem var að líða. Víkingur sonarsonur minn varð fimm ára þann 21. Og Bjarni „littli“ bróðir minn varð 61 árs þann 23. Við höfum nú farið á kaffihús af minna tilefni en tvöföldu afmæli. Það er eiginlega alveg makalaust hvað þessi systkini mín eru að verða gömul, systir mín að nálgast áttrætt og bróðir minn kominn á sjötugsaldur. Getur nokkuð verið að ég sé að byrja að reskjast?

Frá ferðalagi til Setubal

Horft yfir Se seimbra sunnan í Arrabita fjalllendinu.

















Vík sunnan undir Fjallinu


















Horft til austurs með ströndinni, háhýsin eru í Troja

Ferðalag

Veður: 7,5°/28,9° léttskýjað.

Við komum, heim í gærkvöldi eftir ánægjulegt ferðalag til Setubal og nágrennis. Setubal er rétt sunnan við höfuðborgina Lisboa. Við lögðum af stað á miðvikudagsmorgunn og vorum komin til Setubal klukkan tvö, en þetta eru ekki nema þrjú hundrup kílómetrar að fara. Við notuðum síðdegið til að skoða okkur um í bænum. Það eru skemmtileg svæði í gamla miðbænum, en þar skammt frá eru líka svæði sem virðast vera í algjörri niðurníðslu, svo er eins og gengur í bæ með yfir eitthundrað þúsund íbúa stór blokkarhverfi. Fyrir vestan Setubal er fjallendi sem heitir Arrabita og það skoðuðum við næsta dag. Hluti af þessu svæi er þjóðgarður, enda víða mikil náttúrufegurð á þessu svæði. Við gistum tvær nætur á IBIS hóteli og líkaði mjög vel.

Á heimleiðinni völdum við leiðina þannig að við fórum eiginlega um hlaðið hjá Jónínu til að geta heilsað upp á hana og séð hvernig búskapurinn hjá henni gengi. Jónína bauð okkur út að borða á veitingastað sem er nálægt heimili hennar og þar fengum við mjög góðan mat og þjónustan var líka til firirmyndar.

Í dag er svo búið að þvo þvott, vinna í garðinum, fara í búðir og sitthvað fleirra skemmtilegt. Það er gaman að fara í ferðalag og breyta til, en það er sem betur fer líka mjög gott að koma heim til sín aftur.

Ferðalag

Veður: 14,1°/25,5° úrkoma 9 mm. rigning í morgunn, en nokkuð bjart síðdegis.
Nú verður stutt hlé á veðurlýsingu hjá mér, því við ætlum að bregða okkur í ferðalag til Setubal

Veður

Veður: 15,9°/25,9° Skýjap ap mestu og örfáir regndropar, en sæokinni tæokst líka að láta ljós sitt skína stund og stund.

Þjóðhátíð

Veður: 16,4°/25,8° eina skúr gerði rétt fyrir hádegi, en það hefur að mestu verið skýjað í dag, en sólini samt tekist að kíkja til okkar smástund af og til síðdegis.
Ég vona að allir hafi átt ánægjulegan hátíðardag í tilefni þjóðhátíðarinnar. Við vorum svo heppin að Jónína þáði boð okkar um að koma og halda upp á daginn með okkur. Hún og Þórunn brugðu sér í gróðrarstöð í morgunn og áttu þar góða stund við að skoða blóm og annað það sem fyrirfinnst á slíkum stað. Mér var trúað fyrir að elda á meðan þær sinntu þessum embættisverkum og ég var mjög ánægður með það hlutskipti mitt.

Veður

Veður: 13,3°/20,3° úrkoma 55 mm. Rigning í allan dag.

Arfast

Veður: 11,9°/26,5° skýjað fyrst í morgunn, en síðar að mestu léttskýjað.
Ég var að arfast í dag, því arfinn tók góðan vaxtakipp eftir rigninguna og það hesur losnað um moldina við vætuna, svo auðveldara er að ná illgresinu upp með rótum.

Þórunn sjö ár í Austurkoti

Veður: 15,5°/25,5°, úrkoma 58 mm.skýjað. Í gær var ég búinn að gefa upp 10 mm. úrkomu og í gærkvöldi og nótt bættust við 58 mm. Svo þetta var verulega góð úrkoma og kemur sér vel fyrir gróðurinn.

Það var haldið upp á merkisafmæli hér í austurkoti í dag, því nú eru liðin sjö ár frá því Þórunn flutti hingað og oft hefur verið gerður dagamunur af minna tilefni en þessu. Það hittist bara svo illa á að Þórunn er hálflasin af kvefi, en hún harkaði af sér svo við gátum farið út að borða í tilefni dagsins og í gær var keyptur blómvöndur af þessu góða tilefni.

Dagur heilags Antoniusar

Veður: 12,4°/23,9° alskýjað og rigning síðdegis, úrkoma 10 mm.

Það er dagur heilags Antoniusar í dag og þar sem okkar hluti af þessum bæ heitir í höfuðuð á þeim góða dirlingi, eins og raunar ótal mörg önnur bæjarfélög hér í landi þá var messað í kapellunni hans hér í kvöld. Það er líka venja að þennan dag fara skólabörnin hér í dalnum í skrúðgöngu frá skólanum að kapellunni og síðan dansa þau smástund fyrir framan kapelluna. Ég á von á að þessari skrúðgöngu hafi verið aflýst vegna rigningarinnar. Börnin eru örugglega vonsvikin yfir þessu, því þau eru búin að leggja vinnu í að útbúa búninga til að skarta í þennan dag. Svona getur veðrið sett strik í reikninginn jafnvel hér, en nú er orðið langt um liðið síðan rignt hefur hér að gagni fyrr en í dag.

veður

Veður: 11,8°/30° léttskýjað í morgunn, en alskýjað síðdegis.

Dixeland

Veður: 13,7°/29,3° léttskýjað

Í gær fórum við í bæ sem heitir Cantanhede og er 50 km. til suðurs frá Austurkoti, en Austurkot er að sjálfsögðu nafli alheimsins. Í þessum bæ er búin að vera alþjóðleg dixiland músik hátíð í þrjá daga og við hefðum sennilega drifið okkur á einhveja tónleika þarna ef ég hefði ekki verið með kvef. Í dag var semsagt lokadagurinn og þá var heljarmikil skrúðganga um götur bæjarins. Gangan byrjaði ekki fyrr en klukkan fjögur, svo okkur fannst alveg tilvalið að fá okkur að borða í bænum á meðan við biðum eftir því að gangan hæfist. Það er alltaf eins þegar veriið er á ókunnugum slóðum að maður hefur ekki glóru um hvar á að leita að matsölustað, svo við lögðum bílnum og röltum af stað og vorum heppin, því fljótlega hittum við mann á förnm vegi sem við spurðum hvar hægt væri að fá matarbita í þessum bæ. Sá var ekki lengi að bjarga okkur út úr þessum vanda, hann gekk með okkur nokkur skref fyrir næsta húshorn og benti þar á gult hús sem hann sagði að hýsti góðan veitingastað og sú fullyrðing mannsins stóðst alveg, því gómsætari nautalundir hef ég varla bragðað, en ostatertan sem við fengum í ábæti var ekki eins góð, en þá er maður bara ekkert að spá í hana en hugsar um lundirnar. Það hagar svo til þegar komið er inn í þetta veitingahús að á jarðhæðinni er komið inn í bar, en svo er líka stigi upp á fyrstu hæðina og þangað völdum við að fara fyrst, þar var þá mjög stór salur og sennilega ein þrjú einkasamkvæmi þar á sama tíma, bara aðskilin með lausum skilrúmum. Við létum eiga sig að gerast boðflennur þarna, en snerum aftur niður á jarðhæðina, þar var þá mjög stór veitingasalur fyrir innan barinn og það var svo mikið að gera að við þurftum að bíða smástund eftir að það losnaði borð.
Það var mikill fjöldi fólks sem tók þatt í skrúðgöngunni, margir flokkar af stúlkum frá sex ára aldri og til gjafvaxta kroppa í klæðnaði frá fyrri hluta tuttugustu aldar og þær sýndu Charleston dans við undirleik lúðrasveita. Mér fannst nú tæpast við hæfi að hafa svona ungar stelpur í að sýna svona sexý dans, en þær dönsuðu af mikilli einbeitni og innlifun eigi að síður. Það hefur örugglega hver einasta pía í þessum bæ teki þátt í að sýna dansinn svo margar voru þær.
Eftir dansflokkunum komu svo hestar og hestvagnar, gömul reiðhjól og reiðhjólafígúrur, gömul mótorhjól og að síðustu fornbílar. Lestina ráku svo sóparar bæjarins með sína kústa tilbúnir að þrífa göturnar eftir hátínina.
Þetta var semsagt ágætis skemmtun að fara þetta.
Smellið á Myndir hér til hægri til að sjá myndir frá skrúðgöngunni.

veður

Veður: 12,5°/27,3° talsvert skýjað á koflum og næapi meira ap segja að koma með örfæa regndropa.

Dixland skrúðganga

Í bæmum Cantanhede er búin að vera dixiland hátíð í þrjá daga og hátíðinni lauk í dag með mikilli skrúðgöngu. Ég reyni að koma myndum sem ég tók þarna í dag inn á myndasíðuna mína á morgunn.

veður

Veður: 10°/31,3° skýja fyrst í morgunn, en orðið léttskýjað um hádegi.

Veður

Veður: 13,5°/30,2° skýjað

Veður

Veður: 14,4°/31,1° léttskýjað

Veður

Veður: 13,1°/35,9° léttskýjað

Salat

Hér koma fleirri myndir af þessari ágætu plöntu sem vex í garðinum hjá okkur og bragðast svo vel ef hún er borðuð á réttu þroskastigi. Þetta er auðvitað salat, en ég hef bara ekki fyrr séð það verða svona falllegt á að líta.

Veður

Veður: 12,1°/35,2° heiðskírt

Hvaða planta er þetta?

Mér datt í hug að leyfa fólki að spreyta sig á að giska á hvaða planta þetta er´þetta er mjög algeng planta en ég hef aldrei séð hana líta svona út fyrr en nú. Þessi planta vex í garðinum í Austurkoti. Myndin var tekin í morgunn 6. júní

Sumarhegðun

Veður: 10,8°/33,4° heiðskýrt. Í gær var þokuloft fyrstur klukkustundir dagsins, en léttskýjað síðdegis.
Nú er komin sumarhegðun á íbúana í Austurkoti. Farið út að vinna í garðinum á morgnana, en um miðjan daginn á meðan heitast er úti er sest við tölvurnar til að lesa blöðin og leika sér í tölvunni.
Bræður Þórunnar og þeirra konur fóru frá okkur í gær eftir allt of stuttan stans hér, en þar sem þau ætluðu að skoða sig um á heimleiðinni meðal annars að líta við í París gátu þau ekki verið hér nema í þrjá daga. Þó við hefðum gjarnan viljað að þau stönsuðu lengur hér, þá erum við þakklát þeim fyrir að leggja á sig að aka þessa löngu leið frá Gautaborg til okkar fram og aftur, það er talsverð vinna. Við vonum að þau verði heppnari með veður á heimleiðinni, en á leiðinni hingað en þá fengu þau einum of mikla rigningu, svo þau þurftu að þurrka tjaldvagninn sinn á meðan þau voru hér.

veður

Veður: 8,4°/32° léttskýjað

Dagur með gestum

Notið sólar á veröndinni














Við ströndina















Grillarinn að störfum














Hjörtur að spá í grillkjötið.