Maís

Veður: 10/29,6° Léttskýjað fram eftir degi, en er að verða alskýjað í kvöld.

Nú þegar bændur á Íslandi eru farnir að huga að því að taka upp kartöflurnar, þá eru bændur hér í landi farnir að taka maískólfana í hús. Kartöflurnar eru hinsvegar teknar upp á vorin hér í landi. Nágrannar okkar sem eiga maísakur hérna hinumegin við götuna voru í morgunn að taka sína maískólfa í hús. Kólfarnir eru ekki teknir fyrr en plantan er orðin þurr og brúnleit og þó plönturnar séu svona stórar bera hver þeirra ekki nema tvo kólfa.

Hér eru nágrannarnir að vinna við maísinn sinn.

Hér er til samanburðar mynd af maísplöntum, sem enn eru grænar og ferskar, ef grannt er skoðað sjást kólfarnir á mijum stönglinum.

 

Veður

Veður: 9,7/31,1° léttskýjað.

Veður

Veður: 18,2/30,3° skýjað fyrst í morgunn, en orðið léttskýjað um hádegi.

Veður

Veður: 18,8/27,7° úrkoma 2,7mm. Að mestu skýjað í dag og rigndi smávegis um miðjan dag.

Ólýginn sagði mér.

Ég hef sem betur fer aldrei upplifað að hani sem búið er að steikja og kominn á diskinn hjá mér rísi upp frá dauðum og gali þrisvar, en samt sem áður segir sagan að slíkt hafi gerst. Þetta á að hafa gerst í borg sem nú heitir Barcelos og er hér í norður Portúgal. Við fórum síðastliðinn fimmtudag og skoðuðum þessa borg og að sjálfsögðu er haninn tákn borgarinnar og nokkrar styttur af honum á víð og dreif um borgina. Upphaflega sagan er sú að pílagrímur sem var á leið til Santiago De Compustella á Spáni var handtekinn og ákærður fyrir þjófnað,en þrátt fyrir að hann héldi fram sakleysi sínu var hann dæmdur til hengingar´Sá dæmdi vissi að dómarinn ætlaði að snæða hana morguninn sem átti að hengja hann og þá greip hann til þess ráðs til að sanna sakleysi sitt að segja við dómarann. Það er til marks um sakleysi mitt að haninn sem þú ætlar að snæða á morgunn mun lifna við á diski þínum og gala þrisvar og þetta gekk eftir og þar með var pílagrímurinn látinn laus og dómarinn sjálfsagt þurft að verða sér úti um annan morgunverð daginn þann. Við tókum enga áhættu af að verða fyrir svona reynslu þarna og fengum okkur fisk að borða daginn sem við vorum þarna í heimsókn og sem betur fór tók fiskurinn ekki uppá því að vera með sporðaköst eftir að hann kom á diskinn.

Núna er þessi bær þekktur fyrir leirmuni sem þar eru framleiddir og ýmsa aðra handavinnu. Til að selja þessa muni er markaður í bænum á hverjum fimmtudegi. Þessi markaður er mjög stór, en með svipuðu sniði og aðrir markaðir hér í landi. Mér virtist sem markaður sígaunanna hefði mest aðdráttarafl. Þarna eru að sjálfsögðu tuskur af öllum gerðum til að toga og teygja, leirmunir af öllum gerðum, húsgögn meira að segja gott úrval af sófasettum, ávextir grænmeti og annað matarkyns auk ótal margs annars sem of langt yrði upp að telja. Set eitthvað af myndum með þessum pistli til að sýna lítið eitt af því sem fyrir augu bar.

Það er gaman að rölta um þennan bæ og skoða mannlífið á markaðnum og götunum, einnig er þarna sérlega falllegur garður, sem vel er þess virði einn og sér að gera sér ferð til að skoða.

Ein af styttunum af hananum .

Mynd úr garðinum.

Einn af´húsgagnabásunum.

Líflegt hjá sígaununum.

Sýnishorn af leirmunum og þar á meðal eru styttur af hananum sem lifnaði við.

Þreytuleg sölukona.

 

Veður

Veður: 17,4/33,7 Léttskýjað um miðjan dag, en skýjað í mogunn og í kvöld.

Haustið nálgast.

Veður: 17,3/33,1° Skýjað/léttskýjað.

Enn sjást engin merki þess á veðrinu hér að haustið sé á næstu grösum, en það er samt sitthvað sem bendir til að svo sé. Sólin er orðin löt á fætur og hallar sér fyrr á kvöldin og í dag þegar við vorum á heilsubótargöngu hér í bænum þá fann ég á einum stað ilm af gerjuðum vínberjum, en sá ilmur eykst eftir því sem líður á haustið og nær hámarki í lok september.

Veður

Veður: 13,8/30,1° skýjað í morgunn en orðið léttskýjað undir hádegi.

Breytt áætlun

Veður: 17,3/30,3° léttskýjað.

Fyrir nokkru fórum við meðfram ströndinni til norðurs í áttina að Porto, en sá vegur liggur í gegnum marga skemmtilega og falllega bæi. Það er líka hægt að komast til Porto héðan eftir tveim hraðbrautum og þær notum við gjarnan þegar við erum að flýta okkur t.d. til að komast á flugvöllinn, en frá hraðbrautunum er lítið að sjá, allt öðruvísi en að fara eftir þjóðvegunum, þá er maður meira í hringiðu mannlífsins. Að aflokinni þessari ferð ákváðum við að fara við gott tækifæri meðfram ströndinni fyrir norðan Porto og þeirri áætlun var hrundið í framkvæmd í morgunn. Margt fer samt öðruvísi þegar verið er að ferðast en búið er að ákveða, eða allavega var það svo í dag. Þegar við áttum skammt eftir ófarið að ströndinni komum við í bæ sem okkur fannst að áhugavert værið að skoða og okkur fannst hann svo áhugaverður að við eyddum lunganum úr deginum við að skoða bæinn og ákváðum bara að fara einhvern tímann seinna þarna norður með ströndinni. Það er það góða við landslag og bæi að það er nokkurn veginn öruggt að þeir verða áfram á sínum stað. Þessi bær sem okkur fannst svona gaman að rölta um heitir Vila Do Conde og stendur á árbakka skammt frá sjó og í ánni eru hafnarbakkar og þaðan eru stundaðar veiðar. Þarna er enn vatnslögn frá tímum rómverja og upphaflega var hún 26 km. löng og enn er talsverður hluti hennar uppistandandi. Þarna er stórt klaustur og það kom mér einkennilega fyrir sjónir að sjá rimla fyrir öllum gluggum, svo ég hélt að þetta væri fangelsi, en var upplýstur um að þetta væri klaustur. Hvers vegna þarf járnrimla fyrir glugga á húsi, ef fólk er þar inni af fúsum og frjálsum vilja?

Gamalt seglskip í höfninni, stóra byggingin er klaustrið.

Kúlulagaða húsið á klettinum er kapella.

Falllegur garður í Vila Do Conde.

Stór laukur.

Veður: 11,6/30,3° léttskýjað.

Ég sá það í hendi mér í dag að það getur verið mjög varasamt að fara nákvæmlega eftir því sem segir í mataruppskriftum, en ég nota nú bara slump aðferðina, svo ég þarf ekki að vera með neinar áhyggjur af réttum eða röngum uppskriftum þegar ég malla. Tilefni þess að ég fór að spá í þetta með uppskriftir er að í dag sá ég þann stærsta lauk sem ég hef augum litið og það yrði eitthvað undarleg útkoma, ef sett væru eitt til tvö stykki af þessari stærð í uppskrift fyrir fjóra. Okkur var gefinn einn risalaukur í dag og þegar hann var vigtaður reyndist hann vera 1459 grömm. Hjónin sem gáfu okkur þennan lauk búa hér norður í landi og sögðust hafa fengið um það bil eitthundrað lauka af þessari stærð úr garðinum sínum í sumar. Hér fyrir neðan er mynd sem ég tók af þessum risalauk og til samanburðar er meðalstór sítróna og eldspýtustokkur af stærri gerðinni.

Veður

Veður: 10/31,2° léttskýjað

Veður

Veður: 13,4/29,5° skýjað/léttskýjað.

Veður

Veður: 9/29,8° hálfskýjað.

Þarfasta þjóninum gert til góða.

Veður: 7,4/28,7° léttskýjað.

Verkefni dagsins í dag var að fara með þarfasta þjóninn okkar hér í Austurkoti í 30þús. Kílómetra skoðun. Nú á hann að geta þjónað okkur næstu 15þús. Kílómetrana, ef hann fær smávegis bensín til að næra sig, en hann er ákaflega neyslugrannur lætur sér nægja fimm lítra á hverja hundrað kílómetra. Það passaði á meðan þarfasta þjóninum var gert til góða að fá sér gönguferð í næsta verslunarkjarna sem er í þriggja kílómetra fjarlægð, tylla sér þar niður og fá sér kaffibolla og rölta svo til baka.

Veður

Veður: 9,1/27,6° Þoka í lofti fyrst í morgunn, en síðan léttskýjað.

Veðu

Veður: 12,3/29,6 skýjað í morgunn, en léttskýjað síðdegis.

Smekksatriði?

Veður: 14/30,1° léttskýjað að mestu.

Í Aveiro var sérlega fallleg járnbrautarstöð skreytt með myndum gerðum úr flísum. Þarna voru myndir frá ýmsum stöðum í Aveiror og nágrenni og einnig myndir frá atvinnulífinu á þeim tíma sem stöðin var byggð. Þessi járnbrautarstöð var orðin of lítil og svaraði engan veginn kröfum tímans um öryggi og annað þvíumlíkt. Það þurfti meðal annars að ganga yfir járnbrautarlínur til að komast í suma vagnana, slíku fylgir að sjálfsögðu mikil slysahætta. Nú er búið að byggja nýja stöð sem uppfyllir allar kröfur um öryggi og er mun þægilegri í alla staði en sú gamla. Nýja stöðin er að mestu leiti neðanjarðar, nema anddyri og brautarpallar. Gamla stöðvarhúsið er enn á sínum stað og vonandi kemur einhver starfsemi í það svo því verði haldið við.Hér fyrir neðan set ég tvær myndir af gamla stöðvarhúsinu og eina mynd af anddyri nýju stöðvarinnar og svo verður fólk að eiga það við sinn smekk hvor byggingin er falllegri.

Veður

Veður: 13,2/29,2° úrkoma 8,9 mm. Alskýjað í morgunn og þá féll þessi úrkoma, síðdegis voru góðar sólarstundir.

Veður

Veður: 9,1/29,6° léttskýjað

Veður

Veður: 9/26,7° léttskýjað.

17 ár í Portúgal

Veður: 8/27,9° léttskýjað.

Nú er sumum farið að förlast alvarlega, ég nefni engin nöfn, en það gleymdist alveg þar til í kvöld að Þórunn sá að ég er búinn að vera hér í Portúgal í 17 ár. Það er bót í máli að við reynum að gera eitthvað skemmtilegt á hverjum degi og dagurinn í dag var þar engin undatekning. Við fórum í morgunn hér inn með Vouga ánni á bílnum að gamalli og fallegri járnbrautarbrú sem liggur yfir ána. Járnbrautarferðum er löngu hætt þarna og nú er búið að gera flottan göngustíg þar sem járnbrautin gekk áður og á þessum stíg fórum við í góða gönguferð í morgunn.

Hér er Þórunn á göngustígnum góða

Að lokinni gönguferðinni fórum við svo á veitingastað við ána til að fá okkur að borða. Við höfum oft farið framhjá þessum stað og rætt um að það væri fróðlegt að reyna hvernig maturinn bragðast þarna. Nú vitum við það og við erum alveg sammála um að á þennan stað þurfum við ekki að fara oftar, einu sinni er alveg nóg. Það er notalegur salur þarna og svo góð aðsókn að það var með naumindum að það væri laust sæti handa okkur. Það virtist vera mikið um fastagesti þarna og heimilislegur portúgalskur matur, sem engin ástæða er til að hrópa húrra fyrir.

Að grípa tækifærið.

Veður: 17,4/27,5° úrkoma 11,4 mm. Þessi úrkoma féll eftir mælingu hjá mér í gær og í nótt, í dag var þurrt og að mestu léttskýjað.

Það getur komið sér vel að hafa myndavélina með í farteskinu hvert sem farið er, því maður veit aldrei fyrirfram nema eitthvað beri fyrir augu sem mann langar til að varðveita á mynd, eins og í kvöld þegar við vorum í heilsubótar göngu hér um þorpið. Fyrst smellti Þórunn einni mynd af kirkjunni um leið og við gengum framhjá henni, en það er svo sem hægt að taka mynd af kirkjunni hvenær sem er, því að því er ég best veit er kirkjan ekkert á förum á næstunni. Það gegndi öðru máli með næsta myndefni, sem mér fannst ég endilega þurfa að eiga mynd af, því þar er um að ræða hlut sem ég veit ekki hversu lengi til viðbótar verður í notkun. Þarna er ég að tala um vörubíl af Bedford gerð, sem ég held að sé að verða fimmtugur og mér finnst með ólíkindum að skuli vera gangfær enn þann dag í dag, því þetta þóttu ekki sérlega endingagóð tæki á Íslandi. En þarna var gamli Bedfordinn í fullu fjöri við að selflytja tré utan úr skógi á nýrri og stærri bíl, sem skilar svo trjánum áfram til verksmiðjunnar sem vinnur úr þeim trjákvoðu.

Það er ekkert fararsnið á kirkjunni í Vale Maior.

Þarna gefur að líta þróun í gerð vörubifreiða í hálfa öld. Það var mikið af þessum Bedford bílum í notkun fyrst þegar ég kom hingað, en nú er orðið fágætt að sjá þá á vegunum

 

Auðvelt að rækta.

Veður: 19/26,3° úrkoma 1,4 mm. Alskýjað í dag og smávegis úrkoma í morgunn.

Það er ótrúlegt hvað blóm og annar gróður getur vaxið hratt hér í landi, því til sönnunar er ég með tvær myndir sem ég tók hér á veröndinni.

Þessi mynd var tekin þrettánda maí og það var ekki fyrr en hálfum mánuði síðar sem sett voru blóm í beðið við vegginn.

Þessi mynd er svo tekin fjórða ágúst og þá voru blómin fyrir nokkru búin að ná þessari hæð.

Breytingar.

Veður: 13,7/30,3° Skýjað fyrst í morgunn, léttskýjað um miðjan daginn, þykknaði upp síðdegis og kominn rigningarúði í kvöld.

Hér á bæ erum við iðin við að færa til húsgögn og breyta til innan dyra. Í eldhúsinu er lengst af búinn að vera kæliskápur með nokkuð stórum frysti og þar að auki frystiskápur, frystirinn við kæliskápinn hefur oft ekki verið í notkun. Í gær tæmdi Þórunn frystiskápinn í frystinn við kæliskápinn og okkur kom saman um að það væri mesta vitleysa að vera með svona stórann frysti, en þá var vandamálið hvað hægt væri að gera við frystiskápinn því ekki kunnum við, við að fleygja honum sí sona. Ég fór samt í fyrsta áfanga með skápinn út á verönd og svo var ætlunin að spyrja Mathild grannkonu okkar hvort hún vissi um einhvern sem vildi þiggja svona grip. Þegar svo Þórunn ámálgaði þetta við grannkonuna síðdegis var hún ekki lengi að finna samastað fyrir skápinn, sagðist hafa not fyrir hann sjálf, svo nú er skápurinn kominn yfir til hennar. Manúel sótti hundrað ára gamlar hjólbörur með járnhjóli og að öðru leiti smíðaðar úr tré, sem sé algjör forngripur en dugði vel til að flytja skápinn á milli húsa. Nú er rýmra í eldhúsinu og brauðvélin og hrærivélin komin á hillu sem var aflokuð á bak við kælana. Best að ég setji tvær myndir með þessu sem sýnir fyrir og eftir þessa breytingu.

Eftir breytinguna.

Svona leit þetta út áður fyrr.

Veður

Veður: 10,7/32,3° léttskýjað.

Upprifjun

Veður: 9,8/30,9° léttskýjað.

Verkefni dagsins var að leita að stað hér norður með ströndinni í átt að Porto, ég heimsótti þennan stað seint á síðustu öld svo það var dálítið farið að fyrnast yfir með nákvæma staðsetningu á staðnum. Hinsvegar sá ég mynd af staðnum greinilega í huga mér, enda staðurinn sérstakur að mörgu leiti. Þarna er nokkuð breið sandfjara, en alveg í fjöruborðinu er klettur og á honum stendur lítil kapella. Við fórum gamla þjóðveginn meðfram ströndinni til norðurs og ég þorði ekki annað en að við héldum okkur sem næst ströndinni, því þó ég þættist nokkurn veginn muna hvar þetta væri fannst mér vissara að treysta ekki um of á minnið að þessu sinni. En staðinn fundum við og þá rifjaðist staðsetningin strax upp og myndin sem ég hafði geymt í huga mér af þessum stað var alveg rétt. Þegar ég var þarna á síðustu öld var bara gata meðfram sjónum en nú er búið að gera flotta göngugötu meðfram sjónum og þar upp af er komið mjög fallegt torg með ótal gosbrunnum.

Kapellan í fjöruborðinu við Miramar.

Byggð á kletti í fjöruborðinu.

 Skemmtilegir gosbrunnar.

 

 

Veður

Veður: 17,1/28,3° léttskýjað

Til fyrirmyndar

Veður: 13,4/30,1 hálfskýjað.

Eitt sinn var ég búinn að minnast á að það væri til fyrirmyndar göngu og reiðhjólastígur sem búið væri að leggja eftir gamalli og aflagðri járnbrautalínu meðfram Vougaánni. Síðast þegar ég fór þarna um var þjöppuð möl á stígnum, en þegar ég fór þarna um í dag var búið að bæta um betur og malbika stíginn, svo nú er enn léttara að hjóla eftir honum.

Góður göngu og hjólastígur.

Skemmtilegt vegrið.

Falllegur vegvísir.a

Það er margt sem gleður augað á þessari leið.

 

Allt er þá þrennt er.

Veður: 17,2/30,7° þokuloft fram til hádegis, en léttskýjað síðdegis.

Dagurinn í dag fór dálítið á annan veg, en ég reiknaði með í gærkvöldi þegar ég lagðist á mitt græna og fór að sofa. Númer eitt var að það var þoka í lofti í stað sólskins sem ég hafði búist við í þessum sólarmánuði er það stór plús að fá þoku til að hvíla sig á sólskininu. Næsta atriði var að rafmagnið fór af og var rafmagnslaust í klukkustund, sem kom svo sem ekki að sök, en þriðja og alvarlegasta atriðið var að slanga sem liggur frá dælu í botni brunnsins var rorðin lek. Slangan er raunar búin að vera lek í nokkurn tíma en svo lítið að það kom varla að sök, allavega hummaði ég það fram af mér að gera við hana, þar til í morgunn að lekinn hafði aukist svo mikið að ekki var lengur viðunandi. Brunnurinn er ellefu metra djúpur svo það er talsvert erfitt að ná dælunni upp á yfirborðið, þess vegna hafði ég trassað að gera við lekann eins lengi og mögulegt var. Við Þórunn hjálpuðumst að við að ná dælunni upp og fjarlægja leka bútinn úr slöngunni, og vonuðum að þar með væru þessu verki lokið að þessu sinni. Af fenginni reynslu vorum við ekki neitt sigurviss, því þessi slanga er mesti gallagripur og hefur reynst illa og komið á hana leki hvað eftir annað, en okkur hefur ekki tekist að finna neina slöngu sem er sterkari. Það fór líka svo í morgunn að þrisvar sinnum máttum við hífa dæluna upp áður en yfir lauk, því það kom alltaf fram leki á nýjum stað. Nú er ekki annað að gera en vona það besta og það komi ekki nýtt gat að þessa vandræða slöngu alveg á næstunni.

Gallagripurinn.

 

Veikari/sterkari???

Veður: 13,9/33,5° léttskýjað.

Gegnum tíðina hefur oft verið talað um konur sem veikara kynið, en ég held að þetta sé öfugmæli og sennilega tilkomið af því að við karlarnir eigum erfitt með að viðurkenna að við séum veikara og vesælla kynið. Skoðum lítið dæmi, þar sem ég varð að viðurkenna mig sem veikara kynið rétt einu sinni enn. Svo er mál með vexti að ég geng jafnan með axlatösku sem ég geimi í gleraugun mí, lítinn sjónauka og ýmislegt smádót sem ég þarf á að halda vegna minnar sjónskerðingar og þar að auki er ég jafnan með myndavél í töskunni, því maður veit aldrei fyrirfram hvenær eitthvað ber fyrir augu sem manni langar til að taka mynd af. Núna á dögunum fékk ég mér minni myndavél og nettari en ég hef átt, svo ég gat minnkað töskuna sem ég nota undir dótið mitt. Þórunn bauð mér að nota eitt af sínum veskjum sem var hæfilega stórt til þessa brúks, en mér fannst það vera grunsamlega þungt miðað við stærð, enda kom í ljós þegar ég fór að skoða það að leðrið í því var mjög þykkt og axlarólin þvengmjó, svo mér fannst sem hún gæti rist mig í sundur, en þetta veski var Þórunn búin að bera með bros á vör og fannst bara þægilegt. Í dag fórum við svo í kínverska búð og keyptum létt veski með breiðri ól, svo nú þarf ég ekki lengur að kvarta og kveina undan byrðinni sem ég ber. Hvort kynið er svo það veikara??????

Alvöru leðurveski og kínversk tuðra hlið við hlið.

 

Veður

Veður: 13/34,1° léttskýjað.

Veður

Veður: 12,1/31,9° léttskýjað

Veður

Veður: 10,9/28,2° að mestu léttskýjað.

Veður í júlí

Veður: 15,8/27,2° úrkoma 2,7 mm. Alskýjað í dag og smávegis rignin.

Nú verð ég að reyna að setja upp spekingssvip eins og Trausti veðurfræðingur þegar hann er spurður um hitatölur mánaðarins, því nú birti ég tölur júlimánaðar.

Það var mikill munur á milli lægsta og hæsta hita 5,5°/39,7° og meðaltalið af þessu verður 22,4. Úrkoman mældist 13,8mm.

Veður

Veður: 8,6/31,3° að mestu léttskýjað.

Veður

Veður: 9,2/29,5° Léttskýjað.

Við ströndina.

Veður: 14/30,1° úrkoma 1,4 mm. Þessi úrkoma féll seint í gærkvöld og í morgunn, en í dag var að mestu léttskýjað.

Í gær ferðuðumst við inn í land um dali og fjöll, til mótvægis fórum við í dag niður að sjó. Það er orðið margt um manninn á baðströndunum núna, en enn fleira fólk verður að sóla sig þegar ágústmánuður gengur í garð. Ágústmánuður er aðal sumarleifismánuðurinn hér í landi. Læt fylgja neð nokkrar myndir til að sýna stemminguna við sjóinn í dag.

Hér nýtur fólk góða veðursins.

Veiðimennirnir slógu ekki slöku við, þó aflinn væri í engu samræmi við eljusemina.

Aðrir þutu um á hraðskreiðum bátum.

Vitinn fylgdist með öllu saman og gat sig hvergi hreyft.

 

Góður dagur.

Veður: 13,1/31,2° úrkoma 0,7mm. skýjað í morgunn, en að mestu léttskýjað um miðjan daginn, þykknaði upp undir kvöld og náði meira að segja að rigna í kvöld.

Sunnudagsferðinni að þessu sinni var heitið til bæjar sem heitir St Comba Dao og auk þess að vera skemmtilegur og skoðunarverður bær með gömlum húsum tengist hann sögu Portúgals sterkum böndum, því í þessum bæ er síðasti einræðisherra Portúgals fæddur.

Eitt sinn þegar við vorum á ferð í þessum bæ borðuðum við á skemmtilegu veitingahúsi, sem staðsett var í gömlu húsi og var mjög sérstakt í útliti að innan. Við ákváðum að borða þarna aftur í dag, en komum þá að lokuðum dyrum og þegar við könnuðum málið kom í ljós að staðurinn er búinn að vera lokaður lengi. Þegar við spurðumst fyrir um annann veitingastað var mælt með stað sem er í sundhöll bæjarins og þangað héldum við. Þessi staður var hinn ágætasti og með fallegt útsýni yfir nágrennið, en var ekki eins eftirminnilegur og staðurinn í gamla húsinu. Maturinn og þjónustan var góð, þó umgjörðin væri önnur. Eftir matinn fórum við í skoðunarferð um bæinn, en völdum svo aðra leið heim en við komum til bæjarins. Ákváðum að koma við í bæ sem heitir penacova, því hann er í fallegu umhverfi upp til fjalla og útsýnið frá bænum er alveg frábært.

Horft að kirkjunni í St. Comba Dao.

Útsýni af bæjartorginu í Penacova.

 

Garðálfar

Veður: 18/32,3° slatti af skýjum á himinhvolfinu af og til, en bjart þess á milli.

Unnum í garðinum í morgunn við snyrtingu, eins og venjulega fór mest af tímanum í að fjarlægja arfa. Nú svo þarf líka að klippa til blóm og setja stuðning við þau blóm sem eru hávaxinn, grasflötin var líka sleginn og sitt hvað fleira smálegt sem ekki tekur að minnast á. Við verðlaunuðum okkur svo fyrir dugnaðinn með því að fara á kaffihús síðdegis.

Sumarfrí

Veður: 17,8/25,9° úrkoma 4,8 mm. Alskýjað.

Það er fremur sjaldgæft að það rigni hér í lok júlí, en samt sem áður er það staðreind að það rigndi í morgunn og svo gerði aðra skúr um hádegi. Sennilegasta skíringin á þessari óvæntu úrkomu er sú að vinkona okkar hér er á ferðalagi núna og það bregst varla að hún fái rigningu þegar hún fer í frí. Sumir virðast bara einfaldlega vera óveðurskrákur.

Í morgunn var síðasti leikfimitími fyrir sumarfrí og leikfimin hefst svo að nýju þann 4. September. Vonandi verð ég duglegur að hjóla og ganga á meðan fríið í leikfiminni er til að haldaa aðeins í horfinu með hreifingu.

Hrísgrjón

Veður: 12,5/30,9° smávegis skýjað af og til.

Í síðustu viku þegar við fórum í ferðalagið hér suður í land, þá ókum við eftir nýrri hraðbraut. Þessi hraðbraut er uppbygð á sama hátt og allar aðrar hraðbrauti, ýmist grafnar geilar ofan í hæðir eða byggðar brýr yfir heilu dalina. Á einum stað lá hraðbrautin meðfram og síðan yfir hrísgrjónaræktarsvæði. Ég hafði séð svæði hingað og þangað um landið þar sem eru ræktuð hrísgrjón , en gerði mér ekki grein fyrir að það væri ræktað á svona stóru svæði eins og ég sá þarna. Við ákváðum þegar við sáum þetta svæði að fara og skoða það nánar og það gerðum við í dag. Það var gaman að aka meðfram hrísgrjónaekrunum og geta farið út úrr bílnum og virt ræktunina fyrir sér í nærmynd. Það var ekki síður fróðlegt að aka undir hraðbrautina þar sem hún lá þvert yfir akurlendið og sjá hversu gríðarlegt mannvirki er þarna um að ræða.

Hrísgrjónaræktun.

Hrísgrjón og hraðbrautin yfir akurinn.

Undir hraðbrautinni.

 

Veður

Veður: 18,1/31,1° skýjað/Léttskýjað.

Veður

Veður: 15,7/37,5° léttskýjað.

Veður

Veður: 15,7/35,3°þokuloft í morgunn, síðan léttskýað.

Merkilegt safn.

Veður: 15,9/34,5° þokuloft fyrst í morgun, en síðan léttskýjað.

Þá er komið að því að segja frá síðari degi ferðalagsins okkar í vikunni sem nú er nýbúin að kveðja. Þennan dag ákváðum við að fara lítið eitt lengra til suðurs í lítið þorp sem heitir Sobreiro, því þar er staðsett mjög merkilegt og sérstakt safn. Mér finnst fremur leiðinlegt að skoða söfn, en það gegnir öðru máli með þetta safn, því það er einhvern veginn meira lifandi en venjuleg söfn. Safnið er í mörgum litlum húsum og svo er líka eftirlíkingar af þorpi þar sem eru brúður við ýmis störf. Það eru líka brúður og sumar í fullri stærð þar sem líkt er eftir íveruhúsum fólks fyrir svo sem rúmum eitt hundrað árum. Malarafjölskyldan er í sínu húsi með þá húsmuni í kring um sig sem þá tíðkuðust. Skraddarinn er við sína iðju og sömuleiðis úrsmiðurinn og ýmsir fleirri. Þarna er lítil kirkja, járnsmiðja, trésmiðja,bakarí, bjórstofa, verslun, skóli, bátur og veiðarfæri. Þetta er sem sé safn um forna lifnaðarhætti og hvernig fól bjó og verkfærin sem notu voru á þeim tíma. Maðurinn sem stofnaði þetta safn er enn á lífi 86ára gamall. Hann var leirkerasmiður, en jafnframt svona mikill safnari og vildi leyfa öðrum að njóta þess með sér. Fjölskyldan vinnur enn við leirmunaframleiðslu og er með verslun þarna á svæðinu,þar sem hægt er að kaupa leirmuni frá þeim og fleirri aðilum. Brauðgerðin er líka starfrækt og þar keyptum við brauð framleitt eftir gömlum hefðum. Læt eina mynd úr safninu hér á síðuna, en fleirri myndir er hægt að sjá með því að smella á „Myndir“ hér til hæri á síðunni.

Skraddarinn að störfum.

Veður

Veður: 15,4/38,7° léttskýjað

Ekki er allt sem sýnist.

Veður: 12,9/38,9° léttskýjað.

Það er margskonar ávinningur af því að ferðast, fyrst og fremst sér maður annað landslag og umhverfi en heima hjá sér, svo sér maður líka annað mannlíf, borðar annann mat en venjulega og síðast en ekki síst þá er svo gott að koma heim aftur og njóta alls þess sem heimili manns og næsta nágrenni hefur að bjóða. Ferðalögum fylgir smávegis óvissa, þó búið sé að skipuleggja ferðalagið þá gengur ekki alltaf allt eins og ráð var fyrir gert, það fengum við að reyna í síðasta ferðalagi. Áður en við lögðum af stað var ég að spá í hvar við myndum gista og fór á netið til að sjá hvað væri í boði. Jú ég fann heimasíðu þar sem boðin var gisting í gömlu og virðulegu húsi. Það voru flottar myndir af umhverfinu, fallegur garður og að því er virtist glæsileg herbergi. Sem betur fer var ekki hægt að panta gistinguna á netinu, en það var gefið upp símanúmer. Þórunn hringdi og pantaði gistinguna og það var nokkur eftirvænting að gista á að því er virtist í svona veglegu húsi í fallegu umhverfi. Eftir að hafa spurt til vegar fundum við staðinn, en ekki var heimreiðin glæsileg, malarvegur og þyrnigróður beggja vegna vegarins, sem við vorum hálfsmeik um að myndi rispa bílinn, en sem betur fer slapp bíllinn óskemmdur. Heim að húsinu komumst við, jú það var rétt að garðurinn umhverfis var snyrtilegur og húsið ágætlega málað, að undanskyldum hurðum og gluggum. Þegar þarna var komið sögu var mesti glansinn farinn af að gista þarna, en við höfðum gert okkur talsvert háar vonir um glæsilega gistingu og öðruvísi en á nýtísku hóteli. Eftir nokkra leit tókst okkur að finna móttökuna, sem var á jarðhæð og síður en svo glæsileg og ekki bætti úr fúkkalyktin sem var þarna inni. Á endanum fannst svo bjalla og eftir nokkra bið kom kona til að afgreiða okkur. Það stóð heima að við áttum pantaða gistingu þarna, sem við afþökkuðum með það sama. Konan mátti eiga það að hún tók afpöntuninni ljúfmannlega og vísaði okkur á greiðfærari veg til baka. Nú áttum við enga gistingu vísa fyrir nóttina, en höfðum svo sem ekki stórar áhyggjur af að finna ekki sama stað til að gista. Á firsta hóteli sem við komum var laust herbergi, gott hótel með öllum nútíma þægindum og án fúkkalyktar.. Segir ekki einhvers staðar að enginn ráði sínum næturstað, allavega varð okkar næturstaður annar en við höfðum ráðgert þessa nótt.

Þetta hótel reyndist vel.

Ferðalag

Veður: í gær 16-7 12/38,7° léttskýjað, í dag 17,

-7 12,7/35,7° léttskýjað.

Við vorum á ferðalagi hér í Portúgal í gær og í dag og hver veit nema að ég segji eitthvað frá ferðalaginu við tækifæri. Læt fylgja hér með myndir sem ég tók í ferðinni af klettóttri strönd og manni við veiðar á þeirri sömu strönd.

Hér má sjá árangur af löngu starfi sjávar og veðurs.

Veiðimenn eru samir við sig hvert sem umhverfið er.

Laukur

Veður: 12/39,7° léttskýjað.

Nú erum við búin að taka upp laukinn, en eigum þá eftir að flétta hann saman á blöðunum, svo hægt sé að hengja hann upp til vetrargeimslu. Sprettan í ár var í góðu meðallagi. Ein mynd til að sýna hvað nýupptekinn laukur er fallegur.

Víggirðing

Veður: 8,4/36,7° léttskýjað.

Notuðum daginn í dag til að víggirða kotið fyrir köttum, því það hefur margsinnis borið við að kettir kæmu hér inn óboðnir, þegar eldhúsdyrnar eru opnar. Fórum í morgunn og keyptum acrylplötu og lamir á hana til að setja utan við hurðina að neðanverðu. Ég set mynd af þessu hér fyrir neðan, myndin segir meira en mörg orð. Við þurftum að fara tvær ferðir til að fá réttar lamir á þetta, því ég athugaði ekki í byrjun að það er ekki sama hvort hlerinn á að opnast til hægri eða vinstri, en nú veit ég betur.

Það er oft undarlegt hvernig maður hagar sér með að kaupa hluti, eða kaupa ekki hluti. Ég hef aldrei látið verða af því að kaupa mér handhæga borvél, af því ég á borvél sem er stór og oft óhentug og hef svo sem komist af með að nota hana. Á sama tíma er búið að kaupa tölvur í stórum stíl og margt annað sem er mikið dýrara og hefði vel verið hægt að vera án. Semsagt í morgunn þegar þessi stórframkvæmd var framundan var ákveðið að fjárfesta í lipurri borvél og þvílíkur munur að vera með þægilegt verkfæri í höndunum. Þetta var fjárfesting upp á heilar 29 evrur. Eftir á skil ég ekki hvers vegna þetta verkfæri var ekki keypt fyrir 25 árum.

Hér er hlerinn upp við vegginn, þegar ekki þarf að nota hann.

Hér er hlerinn fyrir dyraopinu og hurðin opin til að fá inn ferskt loft, en ekki óboðna ketti.

 

Veður

Veður: 7,2/31,3° léttskýjað.

Veður

Veður: 7,5/29,5° léttskýjað

Svikahrappar.

Veður: 17,2/25,9° úrkoma 1,4 mm.skýjað fram eftir degi, en létti til undir kvöld.

Ég sagði frá því í gær að við værum kominn með kött í fóstur og að hann ætti að halda sig utandyra, en allir sem þekkja til katta vita að þeir vilja fara sínar eigin leiðir og erfitt að treysta þeim. Það hefur nokkuð oft komið fyrir að þeir litu hér inn ef þeir áttu leið um, ef eldhúsdyrnar hafa verið opnar,sem þær eru mjög oft á sumrin. Við höfum oft rætt um að fá eitthvert net eða spjald fyrir dyraopið að neðanverðu, til að geta haft opið út án þess að eiga á hættu að fá inn óboðna gesti og nú verður þeirri hugmynd komið í framkvæmd fljótlega. Þegar ég læsti eldhúsdyrunum í gær kvöldikom ég hvergi auga á kisa, svo ég litaðist lauslega um hér inni en sá hann ekki þar, svo ég taldi að hann hefði brugðið sér frá í embættisierindum, en svo reyndist ekki vera. Þegar ég kom inn á bað í morgunn mætti ég kisa með stýrið upp í loftið og ekkert nema vinskapurinn og sjálfsagt búinn að sofa vært hér inni í nótt. Það er greinilega ekki hægt að treysta honum frekar en öðrum köttum.

Nýr sjálfboðaliði

Veður: 12,3/32,5° að mestu léttskýjað.

Við tókum góða stund í morgunn að vera í bændaleik, byrja á að taka upp laukinn, en uppskeran af lauk virðist vera í meðallagi. Nú svo þurfti að binda tómatana, því tómatplönturnar þurfa stuðning, það er stutt í að við getum farið að borða tómata úr garðinum. Ávaxtatrén fengu nammi að borða, það er að segja áburð og vökvun.

Það hafa oftast verið kettir til heimilis hér í Austurkoti, þeir hafa allir gefið sig fram sem sjálfboðaliða og þegið mat að launum, sá fyrsti fékk líka húsaskjól, en þeir sem á eftir komu hafa orðið að halda sig utandyra.. Þetta hafa yfirleitt verið villikettir, en flestir hafa orðið gæfir með tímanum. Heimilið er búið að vera kattarlaust nú í tvo mánuði og ég saknaði þess að hafa ekki kött, því mér finnst þeir vera svo vinalegir. Í síðustu viku gaf sig fram nýr sjálfboðaliði, alveg grindhoraður og nær dauða en lífi af hungri. Þetta er fyrrverandi heimilisköttur, því hann mjálmar og vill láta gæla við sig. Þó hann væri að farast úr hungri þóttist hann hafa efni á að vera matvandur. Nú er búið að baða kisa, en það verk tók hún kristín sem var gestur hér að sér. Kisi kvartaði á meðan á baðinu stóð, en virtist vera nokkuð sáttur þegar því var lokið.

 

Veður

Veður: 8,3/32,7° léttskýjað

Veður

Veður: 9,5/32,3° léttskýjað

Ferpalag

Veður: 5,5/30,3° léttskýjað.

Í dag vorum við í túrhesta leik með gestum okkar þeim Kristínu og Eiði. Við skoðuðum háskólabæinn Coimbra, sem er mjög skemmtileg borg og margt þar til að skoða, eftirminnilegast var að skoða háskólabókasafnið. Frá Coimbra héldum við til Conimbrica til að skoða rústur frá þ´vi rómverjar réðu ríkjum í Portúgal, Þar eru varðveitt mjög falleg mósaíkgólf. Næsti viðkomustaður var svo Figueira do Foz og það var jafnframt síðasti viðkomustaður á þessu góða ferðalagi.

Veður

Veður: 13,8/29,8° úrkoma 0,7 mm. Gerði smáskúr í gærkveldi sem kemur með mælingunni í dag. Í dag var að mestu léttskýjað.

Veður

Veður: 8,4/31,4° að mestu skýjað.

Góðir gestir

Veður: 7,1/28,8° léttskýjað.

Einu gestir sumarsins frá Íslandi sem við eigum von á að fá í sumar skiluðu sér hingað í gærkvöldi eftir akstur yfir þveran Íberíuskagann. Það verður ánægjulegt að fá að hafa félagsskap þeirra næstu daga.

Úrkomumæling

Veður: 16,7/25,5° úrkoma 1,4mm. Að mestu skýjað fram eftir degi, en léttskýjað undir kvöld.

Þetta er fyrsta úrkomumælingin síðan ég fékk veðurstöðina með regnmæli og öllu tilheyrandi. Eins og sjá má á mælingunni er þetta mun nákvæmari mæling, en þegar ég var að setja tommustokk ofan í mælikerið og renna svo fingri niður eftir tommustokknum, þar til ég fann að fingurinn var kominn í vatnið og því næst lá leiðin til Þórunnar sem las af tommustokknum. Eins og gefur að skilja stenst þessi aðferð með tommustokk ekki samanburð hvað nákvæmni varðar við tölvutengdan regnmæli, en gerði samt sitt gagn.

Veður

Veður: 16,2/31,3° léttskýjað

Þessa mynd af afsagaðri grein tók ég á ú´tivistarsvæðinu í Vagos síðastliðinn sunnudag.