Helgimynd

Veður: 2,1/28,1° léttskýjað.

Þessa mynd tók ég í dag á setustofu á sjúkrahúsinu í Aveiro, þegar við heimsóttum vin okkar sem er á sjúkrahúsinu .

 

Veður

Veður: 4,5/26,1° léttskýjað.

Lítil veröld, tilviljanir?

Veður: 9,1/20,4° þokuloft/léttskýjað.

Stundum virðist manni sem veröldin sé ótrúlega lítil, eða þá að tilviljanir eru alveg ótrúlegar. Í dag fórum við í heimsókn á Sjúkrahúsið í Aveiro og til að fá leyfi til að heimsækja sjúkling þar verður að hafa samband við afgreiðsluborð og skilja þar eftir persónuskilríki og fá í staðinn aðgöngumiða sem gildir fyrir tvo í einu. Af þessu kerfi leiðir að þegar stórfjölskyldan kemur að heimsækja aðstandanda á sjúkrahúsið, eru margir sem verða að bíða inngöngu og í dag var anddyrið þarna alveg sneisafullt af fólki sem var að bíða þess að komast í heimsókn, trúlega um hundrað manns og allir að tala, að sjá tvo eða fleiri Portúgala saman komna og að þeir séu ekki að tala saman er eiginlega alveg óhugsandi. En aftur að tilviljunum, þegar stúlkan í afgreiðslunni rétti Þórunni vegabréfið sagðist hún sjá að hún væri frá Íslandi, en til Reykjavíkur sagðist hún hafa komið til að heimsækja vin sinn sem eitt sinn bjó hér í Aveiro og héti Stefán Unnsteinsson. Það var og, þetta er sá ágætismaður sem bjó hér þegar ég flutti hingað og var ávallt reiðbúinn til að aðstoða hvenær sem kallað var eftir hjálp.

Veður

Veður: 10,6/21,5° úrkoma 0,7 mm.Léttskýjað í dag og gola.

Veður

Veður: 9,2/13,5° úrkoma 12,4 mm. þokusúld og nokkur vindur fram eftir degi.

Veður

Veður: 8,9/15,1° úrkoma 18,5mm Þessi úrkoma féll að mestu í nótt, bara smáskúr í dag og að mestu skýjað.

Blóm gleðja augað.

Veður: 8,2/12,3° úrkoma 18,6 mm.alskýjað. Byrjaði að rigna í nótt og í dag hafa verið regnskúrir.

Til að gleðja augu þeirra sem líta inn á þessa síðu og búa núna við kulda og snjó á Íslandi ætla ég að setja hérna myndir sem ég tók af túlípönum hér í garðinum í gær.

Betlað

Veður: 0,5/19,7° léttskýjað,gola.

Við lávöruverðsverslun sem við verslum í að staðaldri hfa stundum verið sígaunar að betla og þeir hafa þá þann háttinn á að þegar maður kemur út úr versluninni með vörurnar í körfunni að elta mann að bílnum og betla með sínum sérstaka vælutón á meðan vörurnar eru settar inn í bílinn. Ég hef ekki séð sígaunana þarna lengi, enda er stuggað við þeim af verslunareigendum og lögreglu, hins vegar brá svo við í dag að tík af schafer kyni notaði sömu tækni og sígaunarnir. Við sáum hana liggja við útgöngudyrnar þegar við komum og um leið og það kom viðskiptavinur út úr versluninni fylgdi hún honum að bílnum og mændi biðjandi á meðan vörunum var raðað í bílinn. Þegar við sáum þetta ákváðum við að kaupa eitthvað til að gefa henni að borða þegar við kæmum út með vörurnar og fyrir valinu varð dós með niðursoðnum pulsum. Tíkin fylgdi okkur að bílnum og stóð og mændi sínum biðjandi augum á okkur og þegar hún heyrði hljóðið sem myndaðist við að opna dósina lifnaði yfir henni og svo gráðug var hún þegar ég rétti henni fyrstu pulsuna beit hún óvart í fingur á mér, en ekki neitt alvarlega, svo ég lét hana grípa pulsurnar sem eftir voru á lofti, það var ekkert verið að tyggja pulsurnar, þær fóru bara niður í maga í heilu lagi.

Þessa mynd af schaferhundi fann ég á netinu.

Veður

Veður: 4,5/19,6° skýjað, en góðar sólarstundir.

Veður

Veður: 8,8/17,3° skýjað.

Veður í febrúar

Veður: 4,9/15,1° alskýjað, nokkrir rigningadropar en svo lítil úrkoma að hún var ekki mælanleg.

Hér fyrir neðan eru svo niðurstöðutölur fyrir veðrið í febrúar.

Meðaltal næturhita 2°, daghita 18,9° lægsti hiti í mánuðinum -3° mesti hiti 26,7° og úrkoma 132,5 mm.

Veður

0,8/26,7° léttskýjað

Ferðalag

Veður: 2,3/25,3° léttskýjað. Þetta er fyrsti dagurinn á þessu ári sem hitinn fer yfir 25°, en örugglega ekki sá síðasti.

Í gær fórum við í ferðalag 110 km hér norður í land til borgar sem heitir Guimaranse og hefur sér það helst til frægðar unnið að þar er sagt að Portúgal hafi fæðst. Með þessu er verið að vísa til þess að þarna vannst fyrsti sigur á márum, en þeir voru þá búnir að drottna yfir Portúgal um tíma. Þetta er skemmtileg borg og gaman að ganga um götur gamla bæjarins.

Það er  skjöldur á þessari kirkju sem segir að þarna hafi Portugal fæðst.

Á heimleiðinni komum við, við í þessum bæ sem heitir Ármót og er réttnefni, því bærinn stendur á þessum höfða þar sem tvær ár mætast. Eins og sjá má á myndinni var veðrið mjög gott.

 

Veður

Veður: 0,4/24,4° léttskýjað.

Veður

Veður: –0,5/23,1° léttskýjað.

Veður

Veður: 2,8/24,4° léttskýjað.

Veður

Veður: 1,8/22,7° léttskýjað.

Laukur

Veður: 1,5/22,9° léttskýjað.

Í dag ætla ég að segja frá í máli og myndum hvernig við berum okkur að við að rækta lauk hér í Austurkoti. Fyrsta versi í ferlinu lauk fyrir nokkrum dögum, en það var að undirbúa jarðveginn.Samkvæmt ráðleggingum granna okkar ber að planta lauk á minnkandi tungli og því varð að drífa þetta af núna, eða þá að bíða í hálfan mánuð eftir að tunglið fari að minnka á ný.

Hér sést Þórunn á markaðnum í morgunn að kaupa laukplönturnar. Konan til vinstri á myndinni seldi plönturnar, en svo kom vinkona hennar til að veita henni stirk þegar kom að því að reikna út verðið. ´

Það var ekki mögulegt að fá að vita nákvæmlega hvað væru margir laukar í hverju búnti, hún sagði bara að þeir væru margir, svo við giskuðum bara á að það væru 100 í hverju búnti og keyptum því fjögur búnt, en það reyndist svo vera um 120 í hverju búnti. Við keyptum líka 50 púrruplöntur.

Svona er lauknum raðað og síðan er mokað yfir mold og þjappað að rótinni.

Hér sést laukbeðið að aflokinni plöntun, nú er bara að bíða eftir að hann vaxi og reita arfa af og til á meðan beðið er. Nú svo er bara að njóta ávaxta erfiðinsins eftir nokkra mánuði.

 

Brunnurinn

Veður: 1,5/22° léttskýjað.

Eins og sjá má á þessari mynd er brunnurinn búinn að fá sína árlegu andlitslyftingu. Við hliðina á brunninum er steinsteypt ker sem var þarna þegar ég flutti hingað og hefur verið notað til að skola í þvott. Mjög fullkomið með tappa í botninum svo hægt væri að losa vatnið úr því með góðu móti og svo vatnið færi ekki til spillis í þurrkatíð var það látið renna út í garðinn til að vökva gróðurinn. Við brunninn var líka steypt þvottaker en það var svo mikið brotið að það var ekki annað að gera en farga því.

 

Veður

Veður: –1,8/18,° smávegis þokumóða í lofti.

Veður.

Veður: –2,4/19,7° léttskýjað.

Hjólað

Veður: –0,7/21,6° léttskýjað.

Í dag fór ég að hjóla í fyrsta sinn síðan í september, betra seint en aldrey. Það er svo gaman að hjóla núna, því mímósan er í blóma og gefur svo góðan ilm, túlípanatrén eru sömuleiðis í blóma núna þessa dagana.

Ég set hérna fyrir neðan þrjár myndir sem ég tók í ferðinni í dag.

 

Veður

Veður: –1,3/22,1° léttskýjað.

Veður.

Veður: –0,5/23,1° léttskýjað.

Sandfok.

Veður: 0,8/20,9° léttskýjað.

Eftir matinn í dag fórum við niður að strönd til að athuga hvort ekki væri farið að lifna yfir mannlífinu þar og jú það var nokkuð margt um manninn á göngu í góða veðrinu, samt enginn farinn að liggja í sólbaði enn sem komið er.

Á þessari mynd sést fólk á gangi eftir hafnargarðinum, en aðrir taka lífinu með ró á veitingastaðnum, en allir njóta sjávarloftsins.

Það dettur sjálfsagt einhverjum í hug að þessi mynd af stórvirkum vinnuvélum hafi ég sett inn af misgáningi þar sem ég er að tala um strandlífið, en svo er ekki. Sandurinn í fjörunni þarna er svo fínn að hann fíkur alltaf til á hverjum vetri og færir þá í kaf gangbrautir sem eru í fjörukambinum, svo það verður að koma honum aftur á sinn stað í fjöruborðinu áður en strandgestir fjölmenna á staðinn og til þess eru þessi stóru verkfæri notuð.

Drottningarbeð

Veður: 3,9/20,9° heiðskírt, dálítil gola frameftir degi.

Unnum í garðinum í dag, ég var aðallega í að snyrta til í kring um rósirnar, það verður að vera fínt í kringum drottningar garðsins rósirnar.

Enn er þriggja mánaða bið eftir að rósirnar blómgist, en þær eru byrjaðar að laufgast.

 

Veður

Veður: –0,5/20,2° heiðskírt.

Ensolarado

Veður: -0,8/16,3° heiðskírt, eða eins og það heitir hjá veðurstofunni hér í landi ensolarado, góð tilbreyting frá rigningu síðastliðinna daga. Það má ef til vill segja að veðrið í dag sé generalprufa fyrir vorið þó enn sé rúmur mánuður í að vorið taki við af vetrinum samkvæmt dagatalinu. Við notuðum góða veðrið til að vinna í garðinum og þegar ég var búinn að fá nóg af stritinu settist ég í sólstól úti á verönd til að hvíla mig.

Þessi mynd er dæmigerð fyrir Portúgal núna, blómstrandi tré og nýsáin akur.

Nærmynd af blóminu.

 

Veður

Veður: 4,3/16,4° úrkoma 2,1mm. smávegis skýjað fyrst í morgunn, en orðið léttskýjað um hádegi.

Rigning

Veður: 11,1/13,6° úrkoma 13,7 mm. rigning í dag.

Veður

Veður: 0,8/13,1° úrkoma 10,8 mm. þokuloft/rigning.

Bjartara

Veður: –0,3/13,1° Úrkoma 0,7 mm. Alveg þurrt í dag og frekar lítið um ský, sem var góð tilbreyting frá rigningu síðustu daga.

Veður

Veður: 1,9/11,6° úrkoma 10,3 mm. Skúrir/bjart

Veður

6,5/14,5° úrkoma 15,9mm. smáskúrir í dag,en nokkuð bjart á milli skúranna.

Allt á floti.

Veður: 7,4/12,9° úrkoma 30,9 mm. skúrir.

Það er búið að rigna drjúgt hér að undanförnu og vegna þess að vatnsrás, eða skurði sem á að veita vatninu úr hæðunum hér fyrir ofan byggðina er ekki haldið við fáum við óvenjumikið vatn inn í garðinn okkar.

Það er greinilega ekki ástæða til að hafa áhyggjur af vökvun næstu daga.

Spurning hvort ekki sé tímabært að skipta yfir í vatnaliljur?

Útrennslið úr garðinum.

Veður

Veður: 2,9/9,7° úrkoma 11mm. Byrjaði að rigna um hádegi og rigndi fram að kvöldmat.

Hún á afmæli…………

3,2/16,4 hálfskýjað.

Við mættum í leikfimi í morgunn, þó það væri afmælisdagurinn hennar Þórunnar. Við borðuðum á Torigalo í tilefni dagsins og fengum góðan mat. Ég bakaði pönnukökur þegar heim kom svo við gætum gætt okkur á rjómapönnukökum með kaffinu, Grasa var svo heppin að koma í kaffi og kunni vel að meta pönsurnar.. Miðað við tíðarfarið sem búið er að vera undanfarið, rigning flesta daga vorum við mjög heppin með veðrið í dag, talsvert sólskin og þurrt.

Vandi að velja.

Vætusamur janúar.

Veður: 7,1/16,3° ú 37,1 mm. Hálfskýjað til hádegis en þá fór að þykkna upp og talsverð rigning framundir kvöld.

Ég sá á netinu í dag að það hefur ekki rignt meyra í janúarmánuði í 30ár en í síðastliðnum janúarmánuði.

Veður í janúar.

Veður: 5,9/15,5° ú 9 mm. Hálfskýjað fyrrihluta dagsins en þykknaði upp síðdegis og rigning undir kvöld.

Hér kemur tölulegt yfirlit janúar. Mánuðurinn var kaldur og úrkomusamur. Úrkoma alls 319 mm. Og lægsti hiti -6 sem verður að teljast mikið hér, hæsti hiti aðeins 16,4° Meðalhiti sólarhringsins 8,5°

Leikfimi

Veður: 9,2/14,3 ú 30,2mm. Byrjaði að rigna um hádegi.

Það kom skemmtilega á óvart í leikfiminni í morgunn að við fengum að gera youga æfingar mest af tímanum, verst að sumir þátttakendur skemmdu dálítið fyrir með því að hafa ekki hljótt.

Á þessari mynd var verið að hita upp, en það sést vel á myndinni að kennarinn raðaði mottunum skemmtilega upp og var svo með mikið af kertum til að ná góðri stemmingu.

Vatnavextir

Veður: 13,4/15,7° úrkoma 16,9 mm. Þokusúld fyrst í morgunn, síðan þurrt og nokkrar sólarstundir um miðjan daginn.

Það er búið að rigna svo drjúgt undanfarið að nú eru sumar ár farnar að flæða yfir bakka sína.

Þessi mynd er tekin í dag við Vouga ána, ef það hækkar svo sem hálfan metra í henni til viðbótar á þessum slóðum fer vegurinn þarna undir vatn.

Veður

Veður: 11,1/15,3° úrkoma 41,9 mm þokusúld rigning.

27.1.Veður

Veður: 8,4/12,4° úrkoma 16,3 mm. þokusúld/rigning.

Seinkunin á veðurlýsingunni stafar af því að það varð rafmagnslaust hér klukkan tíu í gærkvöldi og stóð í tvo og hálfan tíma.

Veður

Veður: 4,4/13,3° úrkoma 10,3 mm. skúraveður í dag en bjart á milli skúranna.

Risapottur

Ég má til með að sýna þessa mynd sem ég tók í gær af potti á hlóðum. Við vorum boðin í mat í gær ásamt 20 öðrum og það var greinilega sett ríflega í pottinn, því þetta var eftir í honum að lokinni veislunni. Það var verið með tvo aðalrétti þarna í gær, sá fyrrivar með grjónum og einhverjum smáum kjötbitum. Ekki tókst okkur að bera kennsl á allar kjöttegundirnar og þegar farið var að spyrjast fyrir um hvað kjöt væri í þessum rétti kom í ljós að það var lifur, hjörtu og lungu. Ég var að spá í hvort það hefði verið settur smokkfiskur í réttinn, en það voru þá lungun sem ég kannaðist ekki við enda aldrei firr bragðað lungu. Við höfum nokkrum sinnum verið boðin í mat á þetta heimili og þá jafnan verið sett í heiðurssæti til hægri handar húsbóndanum, en í gær máttum við láta okkur linda a- vera færð niður um eina skör, því klerkur bæjarins var að sjálfsögu í heiðurssætinu og þar næst kona sem fylgdi honum. Ég reikna með að hún sé titluð ráðskona, því ekki mega klerkarnir í kaþólskunni vera giftir.

Þetta var hið ágætasta matarboð, en mikið fjandi var mér orðið kalt þegar því lauk, þó ég væri í úlpu og fullum vetrarklæðnaði, því ég vissi hvers vænta mátti með hitann í borðstofunni. Að sitja í óupphituðu herbergi hér í landi á þessum árstíma í þrjá tíma er ekkert notalegt. Það er rannsóknarefni hvers vegna heil þjóð lætur sig hafa það að hírast í köldum húsum allan veturinn, jafnvel margir sem hafa vel efni á að hita hýbýli sín láta það ógert. Í besta falli er einn arinn einhversstaðar í húsinu, en öll önnur herbergi óupphituð. Mikið rosalega var gott að komast í bílinn og byrja að hita sig upp og í framhaldi af því að koma inn í Austurkoti, því þar inni er alltaf notalega heitt. Ég væri löngu dauður ef ég ætti að búa í svona húskulda.

Veður

Veður: 5,1/12,1° úrkoma 18,6 mm. skýjað og nokkur vindur.

Fallleg blóm.

Veður: 7,9/15,5° úrkoma 1,4 mm hálfskýjað, góðar sólarstundir.

Það var kærkomið að fá þurrt og bjart veður í dag eftir rigningu undanfarinna daga. Ég dreif mig út í garð eftir hádegið til að spjalla svolítið við arfann. Eftir arfatínsluna fékk ég mér gönguferð að ánni okkar til að sjá hvort hún væri ekki góð með sig eftir rigninguna, jú það bar ekki á öðru hún var bara nokkuð góð með sig, eins og sjá má á þessari mynd.

Hún Mathild grannkona okkar færði mér í morgunn þessar falllegu orkídeur í tilefni afmælis míns í síðustu viku. Þetta eru blóm sem hún ræktar sjálf. Skíringin á að hún færði mér blómin viku eftir afmæli var sú að hún hafði skrifað afmælisdaginn minn hjá sér til að muna nú örugglega eftir honum en láðist svo að líta á minnismiðann.

Veður

Veður: 13,7/14,4° úrkoma 8,9mm. Rigning og nokkur vindur einkum síðdegis.

Rigning

Veður: 7/14,4° úrkoma 58,4 mm. Rigning í allan dag.

Mér finnst þessi mynd hæfa vel veðrinu í dag.

Vegna hækkandi sólar?

Veður: 0,3/11,7 úrkoma 1,4mm. Fram á miðjan dag var þokumóða í lofti, sem sólargeislum tókst að smjúga í gegnum af og til, en eftir kaffi var smávegis rigningarúði.

Ætli það sé ekki hækkandi sól sem hefur þau áhrif að í dag fannst mér vera kominn tími til að fara að gera eitthvað í garðinum. Ég setti safnhaugamold í spildu sem ég fór svo með tætarann yfir til að blanda moldinni saman, í þessa spildu er svo meiningin að setja bóndabaunir. Einnig losaði ég um moldina í kring un rósirnar.

“Fannfergi”

Veður: 3,1/10,1° úrkoma 15,1 regn og haglskúrir í dag.

Þetta er átjándi veturinn minn hér í landi og sá „snjóþyngsti“ til þessa. Í dag gerði hressilegt haglél, svo það gránaði í rót og það er í annað sinn í vetur sem slíkt skeður. Hingað til hafa flestir vetur liðið án þess að eitt einasta snjókorn léti sjá sig hér.

Hér gefur á að líta fannfergið í dag og það leið heil klukkustund áður en það var horfið með öllu.

Veður

Veður: 7,2/15,4° úrkoma 15,8 mm. rigningaskúrir í dag.

Rigning

Veður: 9,2/14,5° úrkoma 20,6 mm .Samfelld rigning í allan dag.

Fyrsti sláttur 2009

Fyrsti sláttur 2009.

Veður: -0,3/15,8° smávegis þokumóða í lofti frameftir degi, en þykknaði upp undir kvöld

Síminn hérna í húsinu er bilaður, en búið að beina samtölum sem kunna að koma í farsímann. Sem betur fer er tölvutengingin í góðu lagi, svo þessi bilun bagar okkur lítið.

Hér sést sláttuvélin að afloknum fyrsta slætti á þessu ári. Þessi yfirferð með sláttuvélina yfir grasflötina var líka til að hreinsa upp lauf, svo nú er grasflötin orðin snyrtileg að sjá.

Það er gott að geta teygt sig eftir appelsínu á tréð ef maður verður svangur við sláttinn. Nú eru appelsínurnar orðnar safaríkar og fullþroskaðar, en það er liðinn mánuður síðan ég byrjaði að borða þær, en þá voru þær ekki orðnar alveg nógu safaríkar og svolítið súrar.

Veður

Veður:4,9/14,9 hálfskýjað/ léttskýjað.

Rigning

Veður: 7,5/10° úrkoma 18,6 mm. Rigning, eða súld uppstyttu lítið í dag.

Vitanlega hættir maður sér ekki út fyrir dyr í svona veðri, en það er nú bara af því að það er von á betra veðri á morgunn.

Teygðar og togaðar mínútur.

Veður: -0,8/12° Skýjað, virðist vera að undirbúa rigningu.

Teygðar mínútur, mínútu mælikvarðinn er ansi teygjanlegur hér í landi fimm til tíu mínútur eru að lágmarki hálftími til klukkustund og í verstu tilfellum heill dagur eða jafnvel meira. Ég fékk smá sýnishorn af þessu í dag þegar ég fór með skó í viðgerð til skósmiðsins hér í Albergaria. Jú þeir áttu að vera tilbúnir síðdegis, svo það virtist henta vel að fara í verslunarferð til Aveiro á meðan gert væri við skóna, þegar við komum til baka og vitjuðum um skóna var verið að vinna við þá og bara fimm mínútur þar til verkinu væri að fullu lokið. Við sögðumst bara skreppa á kaffihús á meðan við biðum, en þó við gæfum okkur góðan tíma til að drekka úr kaffibollunum máttum við bíða góða stund eftir að vinnunni við skóna væri lokið. Þetta voru bara dæmigerðar fimm mínútur hér í landi og ekkert sem kom á óvart. En það sem mestu máli skiptir að skórnir eru komnir með nýja hæla og verkið virðist vera mjög vel unnið og ekki er möglegt að mögla yfir verðinu á vinnunni 7€ takk.

Veður

Veður: 4,7/14,1Ŝ úrkoma 17,2mm. Rigning í nótt, skýjað til hádegis, en léttskýjað síðdegis.

Veður

Veður: –4,4/13° léttskýjað fram á miðjan dag, en þá fór að draga ský á himininn.

Veður

-1,3/13,1° léttskýjað.

Veður.

Veður: –4,5/9,5° léttskýjað.

Kalt.

Veður: -6/8,3° léttskýjað fyrst í morgunn, en orðið alskýjað um hádegi og örlítil súld í kvöld en svo lítið að það var ekki mælanlegt. Ætli þetta verði ekki kaldasti sólarhringur vetrarins hér, hitinn var kominn niður fyrir frostmark um kvöldmat í gærkvöldi og fór svo niður í -6 og kaldara verður það tæpast hér um slóðir.

Skrifræði að hopa?

Veður: -3,5/8,3° léttskýjað.

Við erum búin að vera með áskrift að sjónvarpi í gegnum gervihnött í rúm tvö ár, en höfum sama og ekkert horft á það efni sem þarna er í boði, svo við ákváðum að fara í dag og segja þessari áskrift upp. Við vorum áður búin að ganga í gegnum þetta ferli hjá þessu sama fyrirtæki þegar við sögðum upp áskrift hjá þeim og þá var þetta heilmikið mál að losna úr áskrift frá þeim. Það var ekki hægt að ganga frá því á sömu skrifstofu og maður gerðist áskrifandi, nei það varð annaðhvort að mæta á aðalskrifstofu fyrirtækisins sem þá var í 60km. Fjarlægð héðan, eða senda fax á þessa sömu aðalskrifstofu. Svo að fenginni reynslu reiknuðum við með að vera rekin öfug til baka, því kom það skemmtilega á óvart að eftir að vera búin að svara ´ví hvers vegna við vildum hætta áskriftinni var gengið frá málinu á staðnum án nokkurra málalenginga. Þetta litla atvik vekur vonir um að skrifræðið sem hefur verið allsráðandi hér og er verulegur dragbítur í þjóðfélaginu sé aðeins að gefa eftir.

Mistök.

Veður: -1,5/10,3° léttskýjað.

Það er mjög mikilvægt fyrir sjónskerta að hafa allt í röð og reglu og hvern hlut á sínum stað, því það getur orðið erfitt að finna hluti, því þeir greinast illi í þokunni sem fylgir sjónskerðingunni. Ég geri hvað ég get til að hafa hvern hlut á sínum stað og þar með talið að raða skónum snyrtilega og að rétt pör séu saman. Eitthvað hefur mér samt brugðist bogalistin með þetta í gær, því þegar ég mætti Þórunni hér úti á verönd í gær spurði hún mig hvort ég vissi að skórnir sem ég var í væru af sitt hvorri gerðinni, nei um það hafði ég auðvitað ekki hugmynd, en þegar ég leit niður á tærnar á mér sá ég að svo var, enda er hún Þórunn mín ekki vön að vera að fleibra með neina vitleysu.

Svona var fótabúnaðurinn þegar að var gáð.

 

Þrettánda söngur.

Veður: -0,5/12° Léttskýjað frameftir degi, en þunn skýjaslæða á himni undir kvöld.

Hér í Valemaior og víðast í Portúgal er sú skemmtilega hefð við líði á þrettánda dag jóla að börn fara um syngjandi í von um að vera launað fyrir sönginn með sælgæti, eða smáaurum og best finnst þeim auðvitað að fá hvorutveggja.

Hér er hópurinn við hliðið hjá okkur.

Daglegt amstur á ný.

Veður: 5,6/11,6° hálfskýjað.

Fyrsti leikfimitíminn á nýja árinu var í morgunn og þar með má segja að lífið sé aftur komið á venjulegt ról eftir hátíðarnar. Það var samt ekki nema um helmingur nemenda mættur til leiks.

Síðdegis unnum við Þórunn í garðinum við að klippa hekk og hortensíurnar, Þórunn brenndi líka afklippunum.

Veður

Veður:7/14,5° dálítið þokuloft, en sólin braust í gegn af og til.

Óvænt.

10/15,2 ú 6,9mm. Þokuloft í morgunn, að mestu skýjað í dag, en sá þó til sólar.

Það óvænta skeði hér í morgunn að maðurinn sem lofaði að koma og stilla af sjónvarpsdiskinn mætti og það sem meira var hann kom á réttum tíma. Hann var alls í þrjá tíma að vinna við að stilla diskinn af og ná inn stöðvunum á móttakarann. Hann virtist vandvirkur og vilja gera þetta vel Nafn hans er Manuel Augusto.

Hér er Manuel og aðstoðarmaður hans að stilla diskinn.

Hér hefur leikurinn borist inn og verið er að ná inn stöðvum á tækið.

Heimsóttum GraÇa síðdegis.

4/1/9 sunnudagur.

Veður

Veður: 10/16,4° úrkoma 8,2 mm. Alskýjað rigning síðdegis.

Brugðum okkur síðdegis til Aveiro, enda ekki komið þangað síðan í fyrra.

Veður

Veður: 10/16,4° úrkoma 8,2 mm. Alskýjað rigning síðdegis.

Brugðum okkur síðdegis til Aveiro, enda ekki komið þangað síðan í fyrra.

Gæfuríkt ár.

Veður: 8,1/16,3° úrkoma 4,3 mm alskýjað og smáskúrir af og til.

Ég óska öllum farsældar á komandi ári.

Við byrjuðum fyrsta dag ársins með því að fara í góða gönguferð um ValeMaior, þessi gönguferð tangist ekki neinu nýársheiti, þetta var bara venjulegt heilsubótarrölt.

Þetta fjárhús er við kirkjuna í Valemaior.

Óskir um gæfuríkt ár.

Veður: 10,8/05,5° úrkoma 2,7mm. Alskýjað.

Hér koma tölur yfir veðrið í desember.

Ég þakka kærlega ánægjuleg samskipti á þessu ári sem nú er að kveðja og óska öllum gæfu og góðs gengis á komandi ári.

Veður

8,3/18,5°Þægilegt veður í dag og talsvert sólskin, en þykknaði upp með kvöldinu.

Fjárhús

Veður: 4,5/14,3 úrkoma 14,4 mm.byrjaði að rigna upp úr hádegi og samfelld rignign til kvölds.

Það eru fá heimili hér í landi þar sem ekki er eftirlíking af fjárhúsinu þar sem þau María og Jósep ásamt frumburðinum eru höfð í heiðurssæti yfir jólahátíðina. Í flestum sveitarfélögum er líka sett upp eftirlíking af fjárhúsinu og það virðist sem það sé lagður talsverður metnaður í að gera þetta sem glæsilegast. Þetta fjárhús sem ekki er af hefðbundinni gerð sá ég í dag.

Veður

Veður: 6/15,7° Hálfskýjað.

Tók sér hvíld.

Veður: 2/8,1° úrkoma 20,66 mm byrjaði að rigna um hádegi og hefur rignt samfellt síðan.. Það var dálítill vindur hér í nótt, allavega nægur til að leggja diskinn fyrir sjónvarpsmóttökuna á hliðina og svona leit hann út þar sem hann hvíldi í grasinu, hvíldinni feginn.

Diskurinn er búinn að standa af sér öll veður sem hér hafa komið í rúman áratug, en orsökin fyrir því að hhann féll nú held ég að sé að það var búið að snúa honum til suðurs svo við gætum hlustað á rúv í gegnum gervihnött og því hefur norðanáttin náð betri tökum á honum en meðan hann snéri ýmist í suðaustur eða suðvestur. Hver sem orsökin er, þarf að endurreisa hann og síðan að stilla hann á réttan hátt á ný, en þangað til því er lokið getum við bara horft á portúgalskt sjónvarp í gegnum annan disk. Það verður að bíða betra veðurs að koma þessu í lagi og sennilega verður að kalla til sérfræðing til að stilla diskinn af.

Veður

Veður: –3,3/10,4° léttskýjað.

Veður

Veður: –2,9/12,9° léttskýjað.

Gleðileg jól.

Veður;-2,9/13,5° Léttskýjað

Öllum þeim sem litið hafa inn á þessa síðu óska ég gleðilegra jóla um leið og ég þakka fyrir innlitið.

Veður

Veður: –1,9/13,4° léttskýjað

Veður

Veður: –1/17,3° léttskýjað.

Fyrsti vetrardagur.

Veður: 1,9/18,7° léttskýjað

Hér er fyrsti dagur í vetri í dag og ekki nkkur leið að kvarta yfir veðrinu.

Annríki

2/15,6 Léttskýjað, gola í nótt og fram á morgunn.

Þetta var annasamur dagur, byrjuðum á að fara á litlujólin í leikfiminni.Það var vel mætt og byrjað ðá að gera æfingar og svo var dansað smástund áður en farið var að borða.

Við matborðið

Hitað upp

Næst lá leiðin á tölvuverkstæðið til að athuga hvernig gengi að gera við tölvuna, þá kom í ljós að harði diskurinn var ekki bilaður svo verið var að leita að bilun í einhverju öðru í tölvunni. Þetta varð til þess að ég ákvað að taka tilboði sem ég fékk þegar ég kom með tölvuna í viðgerð að setja upp fyrir mig nýja tölvu fyrir 415 Eu og hún á að vera tilbúin um hádegi á morgunn. Ótrúlegt að það standist.

Næst á dagskrá var að fara til Aveiro og kaupa nýjan mótakara fyrir sjónvarpið, ekki líkaði okkur við gripinn, svo við skiluðum honum aftur. Þaðan héldum við til Val edo Cambra, í búð sem við vorum í gær, en þar var gott úrval að móttökurum. Sölumanninum þar tókst ekki að finna rúv á tækinu á meðan við vorum þarna svo það varð að samkomulagi að við kæmum aftur á morgunn, svo honum gæfist betri tími til að athuga þetta.

Veður

Veður: 0,4/14,7° léttskýjað.

Leikhúsferð

Veðrið í gær þriðjudag -2,3/10,3° léttskýjað.

Veðrið í dag miðvikudag -0,9/12,3° léttskýjað.

Það varð ekkert úr skrifum hjá mér í gær, því maðurinn sem var að gera við tölvuna fyrir mig kom hingað með hana þegar ég ætlaði að fara að skrifa minn pistil og var hér framundir miðnætti að gera það sem hann átti að vera búinn að gera. Verst af öllu er samt að tölvan er engu betri en þegar hann fór með hana til viðgerðar. Við fórum með tölvuna á verkstæði í dag og þar er talið að harði diskurinn sé að gefa sig, það er léleg ending, því tölvan verður ekki tveggja ára fyrr en í mars og áður er lausa drifið sem fylgdi með tölvunni búið að bila.

Í gær vorum við gamlingjarnir sem erum í leikfimi boðin á „leiksýningu“. Margt af þessu fólki á erfitt með gang en varð að láta sig hafa að fara upp á aðra hæð,því það komust ekki allir fyrir í aðalsalnum í leikhúsinu, svo hluti hópsins þurfti að fara upp á svalir. Leikendur skiluðu misvel sýnum hlutverkum, en þeir voru fimm eða sex talsins. Ekki skildi ég mikið af því sem sagt var, en látbragðið var kunnuglegt. Efni leikritsins var undirritun á einhverjum plöggum varðandi átak í heilsurækt fyrir aldraða og eins og gefur að skilja voru leikendur bæjarstjórnin. Það hefði verið alveg nóg að kynna þetta með bréfi, en sennilega metið sem svo að það væri ekki eins góð auglýsing fyrir bæjarstjórnina. Að sjálfsögðu gleymdu þeir ekki að nefna hvern annan með viðeigandi titlum.

Ekki hefðbundin jólatré.

Veður:-1,9/11,1° að mestu léttskýjað.

Það er best að halda áfram þar sem frá var horfið í gær með að birta myndir af jólatrjám. Núna eru það tvö tré úr sitt hvorri verslunarmiðstöðinni og ekki hægt að segja að þetta séu hefðbundin jólatré.

                                                             

Jólaskreytingar

Veður: 1,3/8,5° úrkoma 9,6 mm. Skúraveður frameftir degi, en létti til undir kvöld.

Fórum út að borða í dag og fengum ágætis saltfiskrétt. Svona í leiðinni athugaði ég aðeins verð á tölvum, svona til að hafa það á hreinu ef svo ólíklega færi að tölvan mín væri alvarlega biluð. Góðar tölvur kosta frá 800-1000 eu, en hægt að fá þær allt niður í 300eu, en það eru ekki verkfæri sem ég væri sáttur við að nota.

Ég er að taka myndir af skreytingum í verslunum núna þessa dagana og læt tvær myndir fljóta með í dag.

 

Löt tölva

Veður: 2,9/13,3° úrkoma 29,6mm. Slagveðursrigning framyfir hádegi með dálitlum vindi, smáskúrir síðdegis og lygnt.

Tölvan mín er búin að vera dálítið morgunlöt upp á síðkastið, hefur þurft að gera nokkrar atrennur að því að vakna, en alltaf haft sig af stað að lokum þangað til í gær þá var engin leið að nudda henni til að vinna sín verk. Ég reyndi að nudda henni af stað bæði með góðu og illu, en árangurslaust. Þá var þrautalendingin að hringja í minn tölvumann í gærkvöldi og hann lofaði að líta hér inn klukkan tíu í morgunn og stóð sem næst við það var ekki nema einum og hálfum tíma á eftir áætlun sem verður að teljast mjög gott þegar hann á í hlut. Honum tókst ekki að fá tölvuna til að vinna eðlilega, svo hann tók hana með sér til frekari meðferðar og ég vona bara að honum takist að koma henni í lag sem fyrst. Núna vinn ég á fartölvuna, er búinn að tengja við hana stóra skjáinn, lyklaborðið og kúlumúsina, svo þetta bjargast í nokkra daga.

Veður

veður: 2,3/13,1°léttskýjað.

Kuldi

Veður: -2/7,5° úrkoma 4,1 mm. Þokusúld og logn.

Eins og sjá má á tölunum hér fyrir ofan var dagurinn í dag í tölu svölustu daga sem hér koma og þá heldur maður sig bara innandyra, því það má víst teljast að svona kuldi stendur ekki samfellt í marga daga.

Veður

Veður: 1,9/12,1° léttskýjað, gola.

Garðurinn í jólafötin.

Veður: 5,5/14,3° léttskýjað og smávegis golukaldi.

Þórunn hafði lokið við að ganga frá jólakortunum, svo við fórum með kortin á póst. Nú fyrst við vorum á annað borð komin af bæ héldum við áfram til Aveiro og byrjuðum á að fá okkur að borða þar og á eftir keyptum við sitt lítið af hverju sem heimilið vanhagaði um.

Síðdegis unnum við í garðinum, það má eiginlega kalla það jólatiltekt. Trén sem ekki eru sígræn eru búin að losa sig við allt laufið, svo það þurfti að fjarlægja það og til þess notaði ég sláttuvélina, það er svo ljómandi gott að nota hana sem ryksugu í þessu tilfelli. Þórunn klippti niður rósirnar og snyrti ýmislegt annað í leiðinni. Svo nú myndi ég segja að garðurinn væri kominn í jólabúninginn sinn.

Veður

Veður: 9,7/17,2° hálfskýjað.

Veður

Veður: 9,7/15° úrkoma 22 mm. rigning í morgunn, þurrt síðdegis og sá aðeins til sólar.

Veður

Veður: 10,8/15,1° úrkoma 18,6 mm.Skúraveður fram eftir degi, en samfelld rigning síðdegis.

Veður

Veður: 10,9/14,2° úrkoma 5,5mm. þokusúld.

Veður

Veður: 7,5/14° úrkoma 12,4 mm. þokusúld/rigning nær samfellt í allan dag.

Íslenskt stýrikerfi

Veður: 3,2/13,6° úrkoma 17,2 mm. Það var rigning fyrri helming dagsins, en að mestu þurrt síðdegis og sólin fékk aðeins að minna á að hún væri enn til staðar.

Smá misskilningur varð til þess að ég var hjá tannlækni í dag. Síðast þegar hann gerði við hjá mér sagði hann að þessi viðgerð myndi ekki endast lengi og ég tól það svo að hann væri þá að tala um einn eða tvo mánuði, en í dag þegar ég var sestur í stólinn kom í ljós að hann meinti tvö til þrjú ár. Fyrst ég var sestur í stólinn hreinsaði hann aðeins þessar fáu tennur sem eftir eru, sennilega svo hann gæti með betri samvisku látið mig borga smávegis fyrir komuna. Eftir heimsóknina hjá tannlækninum fórum við til Aveiro og fengum okkur að borða og versla lítilræði.

Vinur minn benti mér á að hægt er að hafa á íslensku bæði stýrikerfið og office forritin og leiðbeiningar um að nálgast þetta, svo nú er þetta komið á íslensku að miklu leiti. Það tekur sjálfsagt svolítinn tíma að venjast þessu, en ætti að vera þægilegra þegar framlíður.

Styttra til Íslands.

Veður: -2,8/12,6° léttskýjað. Nú er svo að sjá að kuldakastið sem gengið hefur hér yfir skagann undanfarna daga ætli að taka sér smáhvíld. Þetta hafur verið með mestu vetrarhörkum sem hér koma og hér inni í landi er víða snjór yfir öllu. Við höfum notað okkur þessa daga að brenna í viðarofninum hér inni það sem tilfellur af trjánum hér í garðinum, en það dugir í svona fimm daga. Annars sjá loftkælingarnar/hitanirnar um að halda húsinu hjá okkur í þeim hita sem við óskum.

Viðarofninn gefur góðan hita.

Við fréttum af því fyrir viku að hægt væri að ná sjónvarpi og útvarpi frá Rúv í gegnum gervihnött hérna. Við biðum ekki boðanna að fá mann til að stilla fyrir okkur gervihnattamóttakarann og þeir mættu hér í dag og nú getum við hlustað á rás 1 og 2, vantar bara kort í mótakarann fyrir sjónvarpsútsendinguna, því hún er send út rugluð, en vonandi fáum við það kort fljótlega. Það er svolítið undarlegt að geta allt í einu hlustað á íslenskt útvarp hér í Portúgal, en svona hjálpar tæknin til við að stytta fjarlægðir í heiminum.

Veður

Veður: 2,5/9,1° úrkoma 9,6mm.