Ferming

Í kirkjunni














Fermingarbörnin í skrúðgöngu















Gatan blómum skrýdd


















Graca Joana Artur

Veður

Veður: 8°/ 25,3° léttskýjað fyrst í morgun, en skýjað frá því um hádegi.

Veður

Veður: 11,1°/26,2° skýjað til hádegis, en léttskýjað síðdegis.

Veður

Veður: 13,1°/25,1° þunn þokuský af og til á himninum í dag

Loksins hjólað

Veður: 8,8°/35,6° heiðskírt

Í góða veðrinu í morgunn var drifið í að taka fram reiðhjólin og fara að hjóla. Ekki hef ég það gott langtímaminni að ég geti munað hvenær það var sem var síðast farið út að hjóla. Semsagt það var gert átak í þessu máli í morgunn og hjólaðir um þrettán kílómetrar. Auðvitað er búið að gefa sér það loforð að það skuli nú ekki líða svona lant á milli hjólatúra aftur, við sjáum nút il með efndirnar á því loforði, hvort það er álíka mikið að marka þetta loforð og kosningaloforðin.

Málningarvinna

Veður: 5,7°31,3° Léttskýjað
Nú er Þórunn að ljúka við að mála innihurðirnar úr húsin. Ég smellti einni mynd af henni þar sem hún er að slípa síðustu hurðina í góðaveðrinu hérna á veröndinni.

Garðveggur

Veður: 6,8°/29° léttskýjað.
Myndin hér fyrir neðan er bara til að sanna að nú er loks búið að mála allan garðvegginn. Myndir af rósum í forgrunninn, það er verst að geta ekki látið ilminn af rósunum fylgja með myndunum.

Sunnudagsferð um fjalllendi

Veður: 4,1°/27,5°léttskýjað.´

Sunnudagsferðin í dag var til Jónínu, en nú var ákveðið að fara ekki styttstu leið heldur var valið að fara talsvert lengri leið sem liggur um svonefnd Busaco og Lousa fjöll. Þegar við vorum búin ap far um Busaco fjöllin stoppuðum við í Lousa og fengum okkur að borða. Vorum heppin með veitingastað og fengum alveg ágætismat. Eftir matarhlé var lagt í Lousa fjöllin, vegurinn um þau er víða ansi bugðóttur, enda liggur hann víða hátt uppi í fjallshlíðum, svo maður sér ofan í djúpa og víða þrönga dali. Útsýnið á þessari leið er víða mjög fallegt. Þessi fjöll eru öll gróðri vafin upp á hæstu tinda, það sést hvergi gróðurlaus blettur. Ég ætla mér að setja myndir frá ferðalaginu inn í myndaalbúmið mit fljótlega.

Það dafnar vel það sem Jónína er að rækta, enda hugsar hún mjög vel um garðinn sinn. Eftir góðar móttökur hjá Jónínu héldum við heim hefðbundna leið.

Það er mjög margt fólk á gangi á þjóðvegunum í pílagrímsgöngu til Fatimaþ

Það eru pílagrímar á göngu þangað mestan hluta ársins, en langflestir stefna að því að vera í Fatima þann 13. maí, en þann dag á María mey að hafa birst þremur börnum við tré í heiðinni við Fatima. Trúi hver sem vill, en ekki ég.

Það voru mjög margir á gangi á þeim þjóðvegi sem við fórum eftir fyrst í morgunn, en héðan eru um 140 km. til Fatima. Á nokkrum stöðum á leiðinn eru sjúkratjöld til að hlinna að fólki, því það leggur upp í þessa göngu án nokkurrar þjálfunar eða undirbúnings. Sennilega, því meyri þjáning því betra.

Ólífupressa

Ferð um Lousa fjöllin

Þórunn að taka myndir við Motegoána












Stuðlaberg












Í lousa fjöllunum












Flott útivistarsvæði langt inni í landi, við á.

Gaman að skoða!!!!!!!!!!!!!

Veður: 10,3°/28,8°Léttskýjað. Í gær var slatti af þokuskýjum á ferð um himinhvolfið og um tíma leit jafnvel út fyrir að það mindi gera skúr, en það varð ekkert úr neinni vætu. Veðurútlitið var þannig að ég lagði ekki í að kalka það sem eftir var af garðveggnum í gær eins og ég ætlað mér að gera. Því ef það rignir á það sem er nýbúið að kalka, þá skolast kalkið bara í burtu.

Þórunn hélt áfram að mála innandyra.

Í gær fékk ég í hendur uppfærslu á stýrikerfið í tölvunni hjá mér og nú þegar búið er að setja það upp er stýrirkerfið í tölvunni komið á ensku, en var áður á portúgölsku, þvílíkur munur að skilja eitthvað af þeim leiðbeiningum sem manni standa til boða.

Í dag fórum við út að borða og í heimleiðinni litum við inn í ddótabúðina sem við köllum svo, því þar eru seldar tölvur og önnur rafmagnstæki. Það er gífurlega mikið úrval þarna af tólum og tækjum og þar af leiðandi gaman að skoða sig um. Við fórum þarna inn til að kaupa fjöltengi við hátalarasnúru og fundum það strax, svo að á eftir var farið að skoða svona sitt lítið af hverju og það endaði auðvitað með því að við keyptum talsvert meira en til stóð. Það skemmtilega við að fara inn í svona búð, er að maður fer inn og veit ekki til að það sé neitt sem mann vanhagar um, en sér svo hlut sem maður getur vel hugsað sér að eiga, en ég læt Þórunni eftir að segja frá þessum kaupum á sinni heimasíðu.

Veður: 7°/24,4° þokuloft fyrst í morgunn, en síðan léttskýjað.

Það er búið að vera fremur svalt í veðri hér síðustu daga, en í dag breytti til batnaðar og var hlýtt og notalegt veður á ný.

Þórunn slær ekki slöku við í sinni málarvinnu og ég reyndi líka að sýna lit í dag og lauk við að mála það sem eftir var að mála með málningu af veggjunum í kring um garðinn. Nú er bara eftir sá hluti veggjanna sem ég ætla að kalka og það er búið að setja það á dagskrá morgundagsins að ljúka þ´vi af.

Veður

Veður: 10,5°/22,2° úrkoma 16 mm. skýjað í dag og smáskúrir.

Veður

Veður:5,4°/19,1° úrkoma 10 mm. Það byrjaði að rigna hér rétt fyrir kaffi og rignir enn klukka að ganga níu þegar þetta er skrifað.
Það er fremur svalt í veðri miðað við árstíma.

Hurðarlaust

Veður: 8,2°18,4° úrkoma 10 mmþ Skúrir.

Þá er orðið hurðarlaust hér á milli tölvuherbergisins og stofunnar, því Þórunn ætlar að mála hurðirnar. Það eru tvær hurðir í hverju dyraopi, eins og tíðkaðist hér fyrir rúmri öld. Það er mun þægilegra að vinna við hurðirnar liggjandi á búkkum, því það er svo mikil vinna að slípa þær og síðan að mála.

Skrúfurnar sem héldu þeim á sínum stað voru ekki alveg á því að fara að róta sér neitt, kunnu bara vel við sig eftir rúm hundrað ár á sama stað, en þegar þeim var lofað að þær fengju að skríða í bólið sitt á ný eftir að hafa skoðað sig aðeins um, þá létu þær til leiðast að taka sér frí í nokkra daga.

Hvað er nú til ráða?

Þessi mynd vísar til textans hér fyrir neðan, þar sem sagt er frá því að fólkið sem átti að heimsækja var ekki heima þegar við mættum á staðinn

Fýluferð.

Veður: 6,2°/25,8° Ég veit ekki almennilega hvernig á að lýsa skýjafarinu í dag, gæti ef til vill verið léttskýjað af of til.

Þegar við heimsóttum Grösu í gær talaðist svo til að í dag yrðum vi samferða henni og hennar fjölskyldu að heimsækja vinafólk þeirra sem við erum búin að hitta nokkrum sinnum heima hjá Grösu og þau hjón eru búin að bjóða okkur að koma í heimsókn til sín. Nú var ákveðið að láta verða af þessari heimsókn, ekki síst vegna þess að þessi hjón sem við höfumætlað að heimsækja eignuðust sitt annað barn fyrir hálfum mánuði eftir þrettán ár frá því þau eignuðust fyrra barnið sitt.

Við fórumí gær og keyptum sængurgjöf á barnið að Íslenskum sið.

Við mæltum okkur mót við Grösu og fjölskyldu skammt frá heimili hjónanna sem átti að heimsækja klukkan þrjú í dag, því við vissum ekki nákvæmlega hvar þau bjuggu.

Þegar kom heim að húsinu var hringt dyrabjöllu eins og venja er en enginn svaraði því kalli. Þá var tekinn upp farsími og reynt að hafa samband við gestgjafana símleiðis, en líka án árangurs.

Þegar ekkert af þessu skilaði árangri var ákveðið að rölta á kaffihús í nágrenninu og sjá til hvort fólkið skilaði sér ekki heim á meðan kaffisopinn væri drukkinn. Það var allt við það sama þegar við snerum aftur til hússins, þar var enga hreifingu að sjá.

Svo við snerum heim við svo búið.

Það hefur greinilega orðið einhver misskilningur á milli Grösu og vinkonu hennar um hvenær Grasa ætlaði að koma í heimsókn, en það fáum við sennilega að vita um síðar.

Fyrsta rauða rósin 07

Þetta er fyrsta rauða rósin í garðinum okkar í ár.
Það er ekki amalegt að geta fært konunni sinni svona fallega rós úr eigin garði. Það er ekki bara að rósin sé falleg, líka er ilmurinn af henni alveg frábær.

Veður:9,5°/23,3° að mestu léttskýjað.

Þórunn heldur ótrauð áfram við að mála, nú innandyra, í gær og í dag er hún búin að hressa upp á tölvuherbergið. Meðan hún sinnti málaravinnunni fór ég og lauk við að hreinsa arfann úr laukbeðunum. Það er raunar tæplega hægt að segja að ég hafi lokið við að hreinsa arfann, því það er að verða tímabært að fara næstu umferð um leið og þessari líkur.

Gólfteppið úr tölvuherberginu var sett út á hliðgrind og þvegið með háþrýstiþvottavélinni. Það sást enginn munur á því eftir þvottinn en gott að vita afþví hreinu.

Síðdegis heimsóttum við Grösu og þáðum kaffisopa og spjall. Hún leyfir okkur að fylgjast með undirbúningnum fyrir fermingarveisluna hjá dóttur þeirra. Nú er búið að stilla upp borðum í kjallaranum og næst er að sækja til okkar stóla sem við ætlum að lána þeim. Artur maðurinn hennar er búin að festa sjónvarpstæki upp á vegg í kjallaranum þar sem veislan á að vera, svo gestirnir geti notið sjónvarpsútsendingar á meðan þeir eru í veislunni.

Við ræddum þessi sjónvarpsmál við Grösu, því okkur finnst ekki eðlilegt að það skuli vera opið sjónvarp á hverju heimili þegar fólk kemur í heimsókn og að ætla veislugestum að sitja og horfa á sjónvarp, er einum of langt gengið. Graca var okkur sammála með þetta en bóndi hennar er mikill sjónvarpsfíkill, svo honum finnst nauðsynlegt að geta boðið sínum gestum upp á að horfa á sjónvarp á meðan þeir borða, sjálfur borðar hann aldrei matarbita án þess að horfa á sjónvarp á meðan hann borðar og dóttirin átta ára er á sama róli og Pabbinn.

Það er alveg ótrúleg þessi sjónvarpsdella hér í landi, það fyrirfinnst ekki svo ómerkilegt kaffihús hér í landi að þar inni sé ekki eitt eða tvö sjónvarpstæki í gangi og svipaða sögu er að segja af matsölustöðum, það telst til undantekningar ef ekki er opið sjónvarp á matsölustöðum.

Veður

Veður:6,5°/23,5° ýmist skýjað eða léttskýjað í dag.

Málningarveður

Veður:4,9°/23,2° léttskýjað.
Fínt veður til að mála í dag og reita arfa.

Þjóðhátíðardagur.

Það var ekki fyrr en ég fór að horfa á sjónvarpsfréttir í kvöld að dagurin í dag er þjóðhátíðardagur Portúgals. Í dag eru þrjátíu og þrjú ár frá því einræðistjórn sem hér var búin að vera lengi við völd var steipt af stóli með friðsamri byltingu og komið var á lýðræði í landinu.

Við sáum þesi engin merki á okkar ferðalagi í dag að það væri þjóðhátíðardagur, en einhver hátíðarhöld eru samt í stærri borgum landsins, en í smábæjum eins og okkar er ekkert sem ber merki þess að það sé þjóðhátið.

Það þykir frekar ástæða til að veifa þjóðfánanum í sambandi við fótboltaleiki, en á þjóðhátíðardaginn. Það virðist svo sem það sé mjög lítil virðing borin fyrir þjóðfánanum hér í landi. Þar sem hann er hengdur upp er hann venjulega látinn hanga meðan nokkuð er eftir af honum, áður en skipt er um og settur upp nýr fáni. Það er hörmulegt að sjá rifnar og skítugar fánadruslur hvar sem maður fer um landið.

Veður: 12,6°/16,7° úrkoma 10 mm. fínn rigningarúði fram eftir degi.

Engin garð, eða málningarvinna í dag vegna votviðris, þó úrkoman væri mjög lítil. Það er nokkuð öruggt að það kemur þurr dagur fljótlega svo það er engin ástæða til að fara út þegar það rignir.

Dóttursonur minn átti afmæli í dag og því var að sjálfsögðu fagnað með því að fara á kaffihús og fá sér góða tertusneið.

Veður: 10,7°/24,1° alskýjað og nokkrir regndropar síðdegis.

Tölvumaðurinn okkar lofaði í gærkvöldi að mæta hér klukkan 9 í morgunn til að setja viðbótar minniskort í tölvuna mína. Hann var mjög stundvís á hans mælikvarða, því hann var mættur hér fyrir klukkan 11 , að vísu var ég búin að hringja í hann klukkan 10,30 til að athuga hvort hann kæmi í dag eða ekki, því stundum mætir hann ekki þann dag sem hann lofar að koma.

Okkar tölvumaður er ekki hár í lodtinu frekar en margir landar hans, hinvegar er hann orðinn ansi mikill á þvervegin, svo það er engan veginn auðvelt fyrir hann að þurfa að skríða undir borð til að tengja eða aftengja tölvuna, þá er maður dálítið hræddur um að hann verði afvelta.

Það var mjög þröngt og erfitt að koma þessum spjöldum fyrir, svo minn maður svitnaði mikið og þrátt fyrir að ég setti viftuna sem er hér til kælingar í gang fór hann með slatta af elhúsrúllu í að þurrka af sér svitann. En honum tókst þetta að lokum, svo nú er tölvan mjög spræk.

Ég þorði ekki að mála í dag, því það var svo rigningarlegt og síðdegis rigni smávegis og von á meiri úrkomu í nótt. Síðdegis brugðum við okkur í blómabúð til að kaupa smávegis af blómum.

Fyrsta rósin 07

Þessa fallegu rós færði hún Þórunn mér í morgunn. Þessi rós er mjög falleg, en nærri hvít á lit, sem fer mjög vel við minn háralit. Ég á svo forgangsrétt að fyrstu rauðu rósinni sem kemur í garðinn okkar í ár, því þá rós á Þórunn að fá.

Notalegt veður

Veður:9,2°/33,4° léttskýjað fram eftir degi, en þikknaði upp með kvöldinu.

Eins og sjá má á hitatölunum var notalega hlýtt um miðjan daginn.

helsta verkefni mitt í dag var að halda áfram við að mála veggina í kring um lóðina, enn er talsvert ómálað, en þessu miðar samt áfram þó hægt gangi.

Það er líka í fleiri horn að líta, en bara að mála og síðdegis var grasflötin slegin, það er svo góð spretta á grasinu núna þessa dagana.

Það eru búnir að vera miklirð erfiðleikar með netsambandið hjá okkur að undanförnu og við erum búin að bíða eftir viðgerðarmanni frá símafélaginu til að koma hingað og lagfæra bilunina. Það kom loks viðgerðarmaður á laugardag og var ýmisst hér, eða á símstöðinni í þrjá klukkutíma og eitthvað er sambandið skárra á eftir, en vantar samt mikið upp á að það sé eins og það á að vera. Það verður sennilega að halda áfram að kvarta þar til þetta fæst í lag, hvenær sem það nú verður.

Veður

Veður 10,9°/30,2° dálítið þokumistur í lofti í dag.

Veður

Veður: 7,1°/28,1° úrkoma 17 mm. Þessi úrkoma er frá því gærkvödi og nótt, nægilegt til að væta moldina almennilega og þar með til gangs fyrir gróðurinn.
Í dag var að mestu léttskýjað.

Lélegt netsamband

Veður 6,6°30,4° bjart fram eftir degi, en undir kvöld þrumuveður með nokkurri rigningu. Veðrið í gær var svipað og í dag.
Það er ólag á netsambandinu hjá okkur, en okkur er sagt að það sé verið að vinna í því að koma því í lag og ekki annað að gera en að vona að það taki ekki allt of langan tíma að gera við þetta.

Gleðilegt sumar

Við fögnuðum sumardeginum fyrsta hér með því að elda og borða kjötsúpu og fyrstu nýju kartöflurnar úr garðinum okkar voru meðal annars sem notað var í súpuna. Myndin hér fyrir ofan er af kartöflunum, nýkomnum úr moldinni.

Veður

Veður: 11,4°/32,5° léttskýjað

Veður

Veður: 9,2°32,9° léttskýjað

Marsfeira

Veður: 7,1°33,4° léttskýjað. Eins og búist var við í gær var hlýtt og notalegt hér í dag og hitinn fór vel yfir þrjátú gráðurnar 33,4°. Þetta var eins og notalegur sumardagur.
Í morgunn hélt Þórunn áfram við málningarvinnuna, en ég útbjó beð fyrir tómatana.
Síðdegis fórum við á Marsfeiruna, sem svo er nefnd, en það er vörusýning sem hefst síðustu helgina í mars og stendur allan aprílmánuð. Þarna eru sýndir bílar, bátar, mótorhjól, húsgögn og innréttingar og ótal margt fleirra. Þetta er ekki mikið spennandi sýning, en maður fer samt á hverju ári til að sjá hvort ekki verði eitthvað spennandi að sjá í ár. Í tengslum við sýninguna er stórt tívolí, sem er vinsælt hjá yngri kinslóðinni.

Myndir frá Mortágua

Það eru fleirri myndir frá Mortágua á myndasíðunni minni.

Nýjar myndir í albúminu mínu.

Veður: 5,5°/29,5° Léttskýjað. Það munaði littlu að hitinn kæmist í 30° í dag, en ekki ósennilegt að á morgunn verði hlýrra en í dag og þá er líklegt að við sjáum hitatölu yfir þrjátíu í fyrsa sinn á þessu ári.

Við notuðum góða veðrið í dag til að fara í góðan sunnudagsbíltúr. Völdum að heimsækja bæ sem liggur í suðaustur frá okkur í rúmlega fimmtíu kílómetra fjarlægð. Þegar við lögðum af stað settum við stefnuna á annan bæ sem var heldur lengra í, en þegar við komum í Mortágua, sem var á þeirri leið sem við vorum búin að ákveða að fara. Þarna leist okkur svo vel á okkur að við ákváðum að fara ekki lengra og skoða bara Mortágua. Þetta er mjög snotur lítill bær, íbúafjöldi um tíu þúsund. Það eina sem ég veit um þennan bæ, er að þar er talsverður iðnaður og meðal annars á íslenska fyrirtækið Límtré verksmiðju þarna. Ég veit ekki hvort það eru einhverjir íslendingar þarna við vinnu núna, en það var allavega á meðan verið var að koma verksmiðjunni í gang. Eiinnig mun vera eitthvað af heilsuhótelum þarna. Það er víða nokkuð fallegt útsýni á þeirri leið sem við völdum enda liggur vegurinn hæst í fjögur hundruð metra hæð.

Ég tók nokkrar myndir þarna og á leiðinni sem ættu að gefa hugmynd um það sem fyrir augu bar í dag. Smellið á myndir til hægri á síðunni til að sjá myndirnar.

Útsýni af svölunum hjá Grösu

Veður: 7,5°/24,3° Léttskýjað.

Siðdegir í dag heimsóttum við Grösu og þáðum kaffisopa úti á svölunum hjá henni.

Kaffitár

Myndir dagsins

Það er verið að mála í Austurkoti þessa dagana.
Hér er nýmálaður gluggahleri.













Hér er verið að mála vegginn í kring um garðinn.













Hér málarameistarinn að mála bílskúrshurðina.













Kisurnar tóku því rólega og bíða hér eftir að fá matinn sinn.

Veður

Veður. 11,5°/23,2° þokuloft í morgunn, en bjart síðdegis.
Það er sagt hér að það falli milljónir regndropa í apríl, en eitthvað hefur það brugðist í ár, því í dag þurfti ég að vökva grænmetið. Það er búið að vera skyjað af og til undanfarið og komið nokkrir regndropar einstaka sinnum, en ekki nægilega mikið fyrir grænmetið. Mín reynsla er sú að það rigni oft meira í maímánuði en aprílmánuði.

Veður

Veður: 7,5°/24,4° þokuloft í dag, en sólin braust í gen um miðjan daginn.

Veður

Veður: 9,7°/24,1° skýjað fram að kaffi, en léttskýjað síðdegis.Örlítil úrkoma í nótt sem leið, okkur er farið að vanta alvöru rigningu hér á þessu svæði.
Gott veður til að vinna í garðinum í dag.

Veður: 4,2°/27,7° léttskýja fram yfir hádegi, en eftir það dálítið skýjað, allavega nógu skýjað til að grannkona mín gæti kvartað yfir hvað það væri vont að fá svona ský, því þa fengi hún meiri verki í kroppinn, en mér aftur á móti þótti bara gott að það dró fyrir sólu um stundasakir, svona eru viðhorfin misjöfn til veðurs og veðurfars. Ekki auðvelt að gera öllum til hæfis með veðrið frekar en margt annað.

Nýtt vinnuborð

Það var keypt nýtt vinnuborð fyrir Þórunni, sem við settum saman sjálf og á myndinni hér fyrir neðan er hún að skrúfa síðustu skrúfuna.
Á myndinni þar fyrir neðan er búið að taka borðið í notkun.
Þórunn á örugglega eftir að skapa marga góða og fallega hluti við þetta borð í framtíðinni.

Veður: 7°/23,9° nokkuð um skúraský á ferð um himinhvolfið í dag, en samt góðar sólarstundir þegar skýjin voru ekki að skyggja á sólina.

Á ferð okkar um Spán í fyrra keyptm við tvær littlar fánastangir til að festa á vegg, en framkvæmdasemin er nú ekki meiri en það að enn er ekki búið að koma því verk að festa þær á sinn stað. Það stóð meðal annars á því að finna hæfilegar skrúfur til að festa þær með, en einhvern veginn hefur alltaf gleymst að kaupa þessar skrúfur þó búið sé að fara ótal ferðir í byggingavöruverslanir frá því fánastengurnar voru keyptar. Í dag var ákveðið að gera bara ferð eftir þessum fjóru skrúfum sem vantaði, jú eftir nokkra leit í viðeigandi hillum í byggingavöruverslun fundust tíu skrúfur í poka ásamt plasttöppum, en svona í leiðinni fyrst við vorum komin í svona verslun var farið að svipast um eftir góðu vinnuborði fyrir Þórunni til að nota við umpottun og annað slíkt sem tengist garðinum. Það var til þarna mjög hentugt borð fyrir þetta, ósamansett í kassa, svo það var ákveðið að festa kaup á borðinu, einnig fundum við þarna gott útiljós sem okkur vanhagaðið líka um.

Semsagt við fórum til að kaupa fjórar skrúfur og fórum út með tíu skrúfur, eitt vinnuborð og eitt útiljós.

Þegar heim kom var farið að púsla grindinni að borðinu saman og það er að mestu búið, en eftir að setja saman skúffur og ganga frá borðplötunni og hillum, svo það verður fullt að gera á morgunn að ljúka við að koma borðinu saman, ætli það gleymist ekki að festa upp fánastangirnar?

Ég var orðinn svo pirraður á dagbókinni minni í gær, þvað var oft svo erfitt að fá hana til að taka við textanu frá mér.

Nú ætla ég að gera eina tilraun enn með því að fara aðra leið við að koma textanum á sinn stað, eftir leiðbeiningum sem vinur minn gaf mér, það verður spennandi að sjá hvernig tekst til að þessu sinni.

Ég ætlaði að segja frá því í gær, að á páskadag sendir kirkjan þrjá fullmegtuga á simum vegum til að blessa heimili og heimilisfólk hjá þeim sem þess óska og eru tilbúnir að greiða fyrir þá þjónustu. Þessa athöfn á klerkurinn að framkvæma, en hann verður að senda staðgengil, því hann kemst ekki yfir að fara á öll þau heimili sem óska eftir þessari þjónustu. Þessir sendifulltrúar hans klæðast sérstökum skikkjum. Sá sem fer fyrir hópnum ber kross, sem fólkið kyssir á og sá hinn sami fer með ritningarorð og blessar heimili og heimilisfólk. Annar aðstoðarmaðurinn klingir bjöllu þegar þeir ganga milli húsa, en sá þriðji heldur á reykelsi. Það er venja að strá blómum á gangstíginn frá götunni og heim að útidyrum á þeim húsum sem eru blessuð. Í gönguferð okkar hér um ´æinn síðdegis í gær gátum við séð a því hvar búið var að strá blómum hvar hafði verið blessað og hvar ekki.

Farinn í frí

Ég veit ekki hvort dagbókin er orðin leið á mér, en allavega neitar hún að taka við nema tveim þrem línum af skrifum frá mér í hvert sinn, svo það getur verið að ég gefi henni bara frí um stundasakir.

Gleðilega páska

Veður: 4,5°/24,3° að mestu léttskýjað, um miðjan daginn voru samt nokkur skúraský að sýna sig og einu þeirra tókst að senda örfáa dropa til jarðar.

Veður

Veður: 4°/24,8° úrkoma 2 mm. léttskýjað til hádegis, en eftir hádegi að mestu skýjað. Úrkaman sem mældist féll seint í gærkvöldi og smávegis í kvöld.

Veður

Veður: 0,3°/23,4° léttskýjað í morgun, dálítið skýjað síðdegis en aftur léttskýjað í kvöld.

Vínviður

Þessi mynd, sem sýnir hvernig vínviðurinn er klipptur og bundinn, var tekin í heimsókninni til Jónínu í gær. Það er ekki verið að kaupa snæri til að binda vínviðinn með hér í landi, heldur er ræktuð sérstök tré, sem eru með grannar og sveigjanlegar greinar og með þessu er vínviðurinn bundinn. Það sést vel á myndinni hvernig þetta er gert. Það voru Portúgalar sem sáu um að vinna þetta verk fyrir þau hjón.

Veður

Veður. 2,1°/20,9° í dag var ýmist skýjað, eða léttskýja.

Heimsókn til Jónínu

Veður: 1,2°/20,5°bjartviðri og léttskýjað af og til.
Í dag fórum við að heimsækja hana Jónínu, sem nú er að irkja sína jörð, sem þau hjón keyptu í fyrra. Þessi eign þeirra er 110 kílómetra til suðurs frá okkur, sen sagt í átt að Lissabon. Jónína er búin að planta ótal matjurtum og setja niður talsvert af ávaxtatrjám á landi sínu. Myndin hér fyrir neðan er af matjurtagarðinum og eins og sjá má er hann falllegur.
Við tókum Grössu og dóttir hennar með í ferðalagið.
Frá vinstri talið á myndinni er Þórunn, Jónína, Graca og Joana.

Veður

Veður: 6°/18,3° úrkoma 2 mm. Regndropar af og til fram að hádegi, þá fór að birta og síðdegis var orðið léttskýjað og notalegasta veður, en það var svalt í veðri í gær.
Við drifum okkur út í garð að vinna þegar sólin var búin að ná upp góðum il úti og þurrka vætuna frá í morgunn.

Veður

Veður: - 0,5°/16,3° úrkoma 2 mm. skýjað

Grjót hörð fjölskylda

Veður : - 0,3°/20,8° léttskýjað

Hér fyrir neðan eru myndir þar sem verið er að vinna við að leggja niður steina úr graníti við húsið hennar Grösu vinkonu okkar. Það var verktaki sem tók að sér verkið og þegar við komum þarna var öll fjölskylda verktakans að vinna við þetta. Konan sá um að aka grjóti og sandi í hjólbörum á meðan karlarnir unnu við að leggja grjótið niður. Fjögurra ára stubburinn þeirra fylgdist með og fer sjálfsagt fljótlega að hjálpa Mömmu við að tína grjót í hjóbörurnar.

Veður

Veður: 5,6°/20,9° úrkoma 11 mm. :essi úrkoma féll að mestu í gærkvöldi og nótt, að mestur þurrt í dag og léttskýjað síðdegis.

Veður

Veður: 1,8°/15° skýjað í dag og byrjaði að rigna í kvöld.

Loftmynd af Austurkoti.

Veður: 1°/21,8° léttskýjað.













Þessi mynd hér fyrir ofan er ný loftmynd af Austurkoti, fyrir þá sem aldrei hafa komið hér ætla ég að útskíra myndina.
Bílskúrinn er meðfram götunni, milli hans og hússins er verönd og yfir hluta hennar er þak. Þá tekur íbúðarhúsið við, í lægri byggingunni er eldhús, búr og vinnuherbergi, þar sem við sitjum við tölvurnar.
Í hærri hlutanum er stofa, svefnherbergi og bað.
Garðurinn hæra megin við húsið er stærri en hann sýnist á þessari mynd, en það gæti stafað af því að myndirner sennilega tekin með aðdráttarlinsu og nokkuð mikið á ská. Allavega eru trén í garðinum ekki eins þétt og virðist á þessari mynd.. Til vinstri á myndinni er húsið hans Manúels og Matthild granna okkar, það eru ekki nema þrír metrar á milli húsanna. Til vinstri við okkar hús og aftan við hús manúels er garður þar sem við erum með ávaxtatré og matjurtir, ef grannt er skoðað má sjá kartöflugrös í miðjum garðinum. Nágrannarnir eru búnir að byggja á nærri allri sinni lóð, svo þeir verða að fá leyfi frá okkur til að komast að bakhlið hússins síns, því þar er það byggt alveg út í lóðarmörk.

Veður

Veður: 2,6°/18,6° að mestu skýjað og smáskúr síðdegis.

Það er orðið langt umliðið síðan það rigndi hér síðast, svo það var kærkomið að fá þessa regndropa í dag fannst mér, en hann nágranni minn var ekki á sama máli og ég. Ég hitti hann hér úti á götu þegar þessi fáu dropar voru að falla til jarðar og eftir að hafa heilsast og allt það, þá hafði ég orð á því að það væri að rigna, já það er alltaf rigning var svarið sem ég fékk. Svo var nú það. Skíringin á þessu neikvða viðhorfi til rigningar gæti verið sú, að einhver sagði grönnum okkar í haust að það irpi rigning næstu sex mánuði, vegna þess að tungl hefði kveiknað á óheppilegum degi í september. Síðan þau heyrðu þessa spá finnst þeim alltaf vera rigning, sem sagt sólardagar eru bara ekki taldir með.

Upp í kok?

Veður: - 1,1°/20,1° léttskýjað að mestu.

Ég veit ekki hvort blogþjónninn minn er búinn að fá upp í kok af skrifunum mínum, eða hvað veit ég ekki fyrir víst, allavega tókst mér ekki að koma því á sinn stað sem ég skrifaði í gærkvöldi. Það endaði með því að í morgun sendi ég skrifin til vinar míns, sem tókst að troða þeim inn á síðuna mína. Eftir þessar hrellingar ætla ég ekki að hafa þetta lengra að þessu sinni og sjá til hvernig gengur að koma því á réttan stað, það er eiginlega ófært að þurfa að senda þetta fram og aftur um hálfan hnöttinn til að koma þessu frá sér. Auðvitað væri það leggjandi á sig ef þessi skrif væru eitthvað merkileg, en varla fyrir svona raus.

26. Mars. Búkonur

Ég sagði frá því að Þórunn hefði boðið Matthild grannkonu okkar í búðarferð síðastliðinn föstudag og þá var Matthild mikið að tala um við Þórunni að það væri agalegt að vera að eyða svona bensíni bara fyrir sig. Að fenginni reynslu raiknuðum við að hún mindi ekki láta eiga neitt hjá sér og borga fyrir þessa ferð með einhverju móti, það reyndist rétt tilgetið hjá okkur. Við sögðum sem svo að nú mættu hænsnin hennar fara að biðja fyrir sér að verða ekki snúin úr hálsliðnum til að borga fyrir bensínið sem fór í ferðina. Við reyndumst sannspá, því í dag færði Matthild okkur hálfan nýslátraðan hana, svo það verður væntanlega aðeins minna hanagal sem við heyrum í fyrramálið. Það var skemmtilegt í morgun, þá tókst tveim hönum að gala alveg í takt, sem hljómaði bara mjög vel hjá þeim, það var góð tilbreyting frá að hlusta á þá einradda eins og venjan er.Í dag heimsóttum við vinkonu okkar hér í þorpinu, en sú er mikil búkona og streðar myrkranna á milli við að rækta og annast um þá gripi sem hún er að ala upp hverju sinni. Manúela heitir þessi góða kona og er nú orðin 68ára, en frekar illa farin af þrældomi í gegnum tíðina, en þetta virðist vera hlutverk sem hún velur sér, því hún hefði nóg fyrir sig að leggja þá hún slakaði eitthvað á, eða jafnvel hætti þessu streði algjörlega, en ég held að hún kunni bara ekki á annan lífsmáta en þennan. Hún sýndi okkur allt sem hún er búin að setja niður og hún man upp á dag hvenær hver tegund fyrir sig var sett niður. Hún var aðeins mædd yfir að kartöflugrösin, hefðu skaðast í næturfrosti, en vonaðist til að það kæmi ekki að sök. Næst var að líta á gripina hjá henni, þar kennir margra grasa. Svín, geitur, hænsni og endur. Hún man fæðingardag hvers einasta grips sem hún er með í uppeldi.

Sumartími.

Veður: 0,5°/22° léttskýjað.

Þessi sólarhringur verður í skemmra lagi, því nú er kominn sumartími sem þíðir að klukkunni var flýtt um eina klukkustund í nótt og þar með erum við einni stund á undan klukkunni á Íslandi.
Eins og sjá má á myndunm hérfyrir neðan brugðum við okkur niður að strönd í dag, til að anda að okkur fersku sjávarlofti og fá okkur góðan göngutúr við ströndina. Eins og sjá má á einni myndinni sat eldra fólkið og ræddi málin á meðan yngra fólkið var meira á faraldsfæti.

Við ströndina

Heilsubótarganga við ströndina, eða setið og spjallað















Undirbúningur fyrir myndatöku.














Nýjustu fréttir.

Kraftaverk?

Veður: 0°/21,3° Léttskýjað.
Enn gerast kraftaverk, ég sagði frá því í gær að það væru erfiðleikar með að fá stækkunarforritið til að vinna eðlilega í nýju tölvunni. Þórunn var búin að skrifa tólf tölvupósta til framleiðanda stækkunarforritsins í USA. og fá jafnmörg svör með leiðbeiningum til baka, en allt virtist koma fyrir ekki, svo það var ákveðið að gefast upp við svo búið og slökkva á tölvunni. En viti menn, næst þegar tölvan er ræst virkar forritið eins og vera ber, þvílíkur léttir fyrir mig og til að kóróna allt saman tóst mér að fá hana til að lesa íslensku í morgunn.
Til að slaka á eftir þetta streð var farið í búðaflandur í dag og fengið sér að borða í leiðinni.
Þórunn er líka búin a vinna i garðinum við að snyrta til og setja niður rósir sem hún keypti í gær. Það er búið að stækka rósabeðið talsvert frá því sem var, svo það ætti að verða fallegt í sumar.

Tæknivandamál

Veður: 0,7°/22,5° léttskýjað. Það er líklega að sjá fyrir endann á þessu “kuldakasti” sem staðið hefur þessa viku sem er að líða, allavega hefur ekki verið næturfrost síðustu tvær nætur og daghitinn er líka að tosast upp á við. Nú er alveg tímabært að kvarta yfir því hversu langt er um liðið síðan það rigndi eitthvað að gagni, nú er svo komið að það þarf að vökva garðávextina, en slíkt er sjaldgæft hér á vorin.

Ég hef svikist um að skrifa í dagbókina undanfarna daga, en það kemur til af því að ég var að fá nýja tölvu, en hef átt í basli með að setja upp stækkunarbúnaðinn í hana. Ég var að þrjóskast við að skrifa í dagbókina, þar til ég gæti notað nýju tölvuna til þess, en nú er fyrirséð að það dregst enn í nokkra daga, svo ég skrifa þá bara á fartölvuna á meðan ég býð eftir að fá lausn á þessum tæknimálum.

Í dag bauð Þórunn Matthild grann komu sinni með sér í búðarráp, Matthild hefur svo gaman af að fara með Þórunni í slíkar ferðir.
Ég var heima á meðan og notaði tímann til að ljúka við að mála það sem eftir var að mála af húsinu þetta árið. Næsta verkefni í málningarvinnu, er að mála og kalka veggina í kringum lóðina.

Veður

Veður: 3,4°/17,3°skýjað að mestu og örfáir regndropar.
Það skall á með"norðanbál" hér í morgunn, það getur nú verið að það sé full fast að orði kveðið að kalla þetta"norðanbál" Það allavega kólnaði talsvert frá því sem verið hefur og það var talsverður vindur um tíma. Það má þakka fyrir ef það verður ekki næturfrost í nótt.

Góður sunnudagur

Veður: 0,8°/24,5° Léttskýjað í dag, en þykknaðu upp með kvöldinu.

Þetta var svolítið afbrigðilegur sunnudagur í dag, því í morgunn voru skúruð gólf, en slík athöfn er venjulega framkvæmd á laugardögum, en í gær hafði málningarvinnan forgang, svo það vannst ekki tími til að skúra gólfin, en það ótrúlega skeði að ég svaf samt sæmilega vel í nótt þrátt fyrir að hafa breytt svona út af venju.
Eftir hádegi í dag þvoði ég rykið af dekurdósinni, því það lætur engin sæmilega heiðvirð fjölskylda sjá sig á rykugum bíl í sunnudagsbíltúrnum sínum. Sunnudagsferðin var svo farin upp í hálendið inn af dalnum okkar eftir vegi sem Þórunn hefur aldrei farið og það eru mörg ár síðan ég fór þarna um síðast. Nú reyndi á hvort einhver starfsemi væri enn í gangi í grautarhausnum. Jú sem betur fer virðist vera eitthvert líf að finna þar enn, allavega mundi ég í aðalatriðum hvernig leiðin lá, en nú er minni vandi að rata en áður þegar verið er með leiðsögutæki í bílnum.
Plúsinn við þessa leið sem við fórum í dag auk fallegs útsýnis, er að á miðri leiðinn er kaffihús með þær bestu tertur sem fyrirfinnast í Portúgal og þar var auðvitað komið við til að athuga hvort þetta væri ekki svo enn.

Bóndarós

Þessi mynd var tekin hér í garðinum í morgunn.

Grautarhaus.

Veður: 8,5°/24,8° heiðskýrt.

Í morgunn þegar staulast var á fætur var kominn laugardagur, sem þýðir að það er kominn dagur grjónagrautsins á þessu heimili, þetta er ekki flókin matargerð og ef allt gengur eðlilega fyrir sig tekur ekki að minnast á þessa matargerð. Hinsvegar fór þetta dálítið úr böndunum hjá mér í morgunn, en það má segja að ég hafi sloppið með skrekkinn. Ég var búinn að hleypa upp á grjónunum og slökkva aftur til að láta þau jafna sig, en áður en við skryppum út í búð til að kaupa málningu kveikti ég aftur á gasinu til að hita grjónin betur og setti á fullt, því ég ætlaði að láta loga stutta stund og slökkva áður en ég færi út. Það kom sér vel að við fórum ekki langt, því þegar við vorum að leggja á stað heim mundi ég allt í einu eftir að hafa gleymt að slökkva undir pottinum áður en ég fór út. Ónotaleg uppgötvun það. Mér varð hugsað til allra fréttanna af pottum sem hefðu gleymst á heitum eldavélum og eitt sinn varð ég vitni að slíkum atburði hjá manni sem starfaði hjá mér, en hann slapp ekki eins vel og ég, því íbúðin hjá honum skemmdist mjög mikið. Hér voru bara brunnin grjón við botninn og dálítil stybba í eldhúsinu. Það var bara náð í annan pott og byrjað upp á nýtt að elda grjónsa og þetta sinn gekk allt eins og í sögu.
Ástæðan fyrir því að við vorum að kaupa málningu var að það átti að nota daginn til að mála bílskúrinn að utan og okkur vantaði málningu á grunninn á honum. Nú er semsagt bílskúrinn kominn í spariklæðnað og vonandi fer hann vel með sín spariföt.

Veður: 2°/28,8° léttskýjað

16.Mars 2007
Í gær var bara kæruleysi og slugs, en slíkt er alveg bráðnauðsynlegt af og til. Dagurinn í dag byrjaði með því að fara í leikfimi, sem alltaf er bæði hollt og skemmtilegt.
Eftir matinn datt mér í hug að láta verða af því að undirbúa að mála bílskúrinn, því málningin er byrjuð að láta á sjá á nokkrum stöðum.
Ég byrjaði á að skrapa burt lausa málningu og til að gera þetta almennilega tók ég fram háþrýstiþvottavél sem við keyptum í haust og vorum bara búin að nota einu sinni til að hreinsa veröndina við húsið. Eftir svo sem tíu mínútna vinnu bilaði slangan sem liggur frá dælunni í byssuna. Það var léleg ending, það mátti kannski reikna með þessu, því þetta var ódýrt tæki, en er enn í ábyrgð. Við ákváðum að láta bíða með að athuga með ábyrgðina, en fara og athuga með að kaupa aðra og vandaðri dælu. Við vorum nokkuð kunnug því hvað var í boði á markaðnum síðan við keyptum garminn sem gafst upp í dag, sú kostaði bara 100 evrur, en alvöru vélar kosta að missta kosti fimm sinnum meira, svo við bjuggumst satt að segja ekki við miklu af þessari vél en héldum að hún dygði okkur samt, en annað er komið á daginn. Nú keyptum við öfluga ítaska vél og erum búin að þvo allt lauslegt af bílskúrnum og Þórunn þvoði líka veröndina. Þessi vél vinnur mjög vel.
Við förum svo síðar með hinn garminn og fáum nýja slöngu á hana út á ábyrgðina og athugum svo hvort einhver nágranninn vill þiggja hana að gjöf, svo við séum laus við hana.
Þetta er bara staðfesting á því sem við vissum og vorum að ræða um þegar við keyptum þessa ódýru vél, að það væri mjög hæpið að hún entist eitthvað.

Fjörulall

Veður 1,7°27,2° léttskýjað.

Dagurinn í dag var notaður í kæruleysi og slugs og við reyndumst bara vel liðtæk í slíku líferni.
Vorum komin niður að strönd um hádegi og byrjuðum á að fá okkur að borða, því ekki er hægt að fara í gönguferð með garnirnar gaulandi. Eftir matinn fórum við svo í góða gönguferð, meðal annars litum við á hvort sjórinn væri ekki enn samur við sig, það er orðið nokkuð um liðið síðan við sáum hafið síðast. Jú öldurnar virðast enn vera við sama heygarðshornið, að fara hver á eftir annarri upp í fjöruborðið, það er eins og það sé keppni um hver þeirra kemst lengst. Jú það er greinilegur munur á því hversu langt þær komast.

Stuttara veður á ný.

Veður: 4,6°/27,1° léttskýjað.

Þórunn brá sér á markað í morgunn, en ég kaus að vera heima, því mér finnst ekki eins skemmtilegt að fara á markað og Þórunni, ég kann því betur að fara bara í venjulega verslun þar sem hlutirnir eru aðgengilegir og maður er laus við argandi sígauna. Það eina sem Þórunn keypti voru salat og kálplöntur.
Það var ekki amalegt veður í dag til að vinna í garðinum, um miðjan daginn var nægilegt að klæðast bara stutturum, það var góð tilfinning að vera kominn í stuttarana sína á ný.
Nú er búið að planta út öllum lauknum og spennandi verður að sjá hvort það verður einhver munur á uppskerunni eftir því hvort laukurinn fór niður á vaxandi eða minnkandi tungli.
Nú eru ávaxtatrén að byrja að blómgast og í dag úðaði ég þau til að verjast því að flugur nái að leggja egg sín í blómin, því ef þeim tekst það verður eggið að lirfu inni í ávextinum og þar með er ávöxturinn ónýtur. Svo maður á bara um tvennt að velja, að eitra til að forðast þetta, eða vera án ávaxta, þriðji möguleikinn er raunar fyrir hendi að kaupa ávextina í búð með enn fleiri aukaefnum en við notum hér heima. Þrátt fyrir þetta má þetta kallast lífræn ræktun hjá okkur.

Það er dálítið furðulegt að fylgjast með umræðunni á Íslandi, þar sem það virðist vera meiriháttar má hvort einhver skallapoppari er búinn að lita á sér hárið eða ekki, gott ef þjóðin þarf ekki að hafa áhyggjur af alvarlegri málum en þetta þessa dagana. Mér datt sí sona í hug hvort það yrði rekið upp svona ramakvein ef þeir Dabbi og Óli grís létu lita á sér hárið, eða krúnuraka sig.

Tölvubilun

Veður: 2,8°/25° Léttskýjað.

Dagurinn í gær fór allur í að sinna tölvumálum. Tölvan sem ég hef notað tók upp á því eftir að Vista var sett upp í henni að klukkan í henni seinkaði sér um eina mínútu á sólarhring. Það er enn nokkurra mánaða ábyrgð eftir á tölvunni svo við fórum með hana þar sem hún var keypt og þar var reynt að breyta einhverri stillingu og okkur sagt að koma með hana aftur, ef kvillinn hefði ekki horfið við þessa aðgerð. Við fórum með tölvuna í gærmorgunn og nú á að senda hana til framleiðanda til skoðunar og það er óvíst hversu langan tíma það tekur, en þó hámark 30 dagar, ef hún verður ekki komin innan þess tíma er sköffuð ný tölva. Þetta er ansi langur tími, en víst ekkert við því að segja.
Nú notast ég við fartölvuna og er búin að tengja við hana stóra skjáinn, lyklaborðið og músina, svo þetta er bara í nokkuð góðu lagi.
Það tók mig nokkuð langan tíma að stilla fartölvuna eins og mér hentaði og endaði með því að ég fékk góða aðstoð frá vini mínum sem býr hinu megin á Íberíuskaganum, hann er alltaf tilbúinn að hjálpa mér þegar eitthvað bjátar á í tölvumálum.

Jónína og Guðmundur, sem keyptu sér hús með góðri lóð í fyrra hundrað kílómetra sunnan við okkur komu í heimsókn í dag. Þau tóku ferjuna Norrænu og komu svo akandi hingað á sínum bíl. Þau eru mjög ánægð að vera komin aftur til að líta á garðinn og ætla reyna að rækta eitthvað, en byrja rólega og læra í rólegheitum á að rækta hér.

Veður

Veður: 1,9°/22,6 skýjað

Veður

Veður: 7,9°/29,3° Léttskyjað

Laukur

Veður: 7,6°26,7° Léttskýjað. Nokkuð sterkur aflandsvindur í nótt og fram eftir morgni, en mjög hæg gola í dag. Í gær sagði ég að það væri gott vorveður, en í dag skellti hann hitanum upp í sæmilegan sumarhita, ekkert verið að tvínóna við hlutina á þeim bæ.

Í morgunn fórum við á markaðinn til að kaupa laukplöntur og til að fá meira út úr ferðinni en bara að fara á markaðinn og heim aftur fórum við fyrst á kaffihús og fengum okkur nýbakaða brauðbollu og kaffi. Það var margt fólk á kaffihúsinu, það er mjög algengt að fólki fari á kaffihús og fái sér kaffibolla og spjalli yfir kaffinu.
Eftir kaffisopann fórum við á markaðinn til að kaupa laukinn, við versluðum við fullorðna konu sem virðist alltaf vera á sama stað að selja afurðir sínar. Hún er auðvitað með skýluklút á höfðinu og í svuntu með vösum, sem hún notar sem búðarkassa, en að sjálfsögðu er engann strimil að hafa úr þessari gerð af búðarkassa.
Lauknum var svo plantað út eftir hádegi og þá var svo hlýtt í veðri að ég var nakinn að ofanverðu og var að spá í að fara í stuttara, en fannst ekki taka því, því þetta var ekki svo mikið verk að koma lauknum ofan í moldina.
Ræturnar á laukplöntunum eru svo flæktar saman,að það þarf að slíta þær í sundur me gát, mér datt í hug sagan af bakkabræðrum þegar þeir flæktu saman löppunum og vissu ekki hver átti hvaða löpp, svipað er því farið með laukinn.
Þessum lauk var plantað út á réttu tungli, en lauknum sem við plöntuðum út fyrst var plantað á vaxandi tungli, en slíkt má ekki gera, nú verður spennandi að sjá hvort hægt verður að greina einhvern mun á uppskerunni.

Vorveður

Veður:2,6°/23,5° léttskýjað.

Eins og lesa má út úr hitatölunum hér fyrir ofan var reglulegt vorveður hér í dag og horfur á svipuðu veðri næstu daga. Við notuðum góða veðrið til að vinna í garðinum. Það mátti heyra í dráttarvélum i nær allan dag hér í nágrenninu vinna við að plægja akrana. Nágrannar okkar áttu von á manni til að plægja þeirra akur klukkan 9,30 í morgunn , svo matthild sleppti að fara með okkur í leikfimi. Henni hefði verið alveg óhætt að fara, því um hádegi var maðurinn enn okominn og ekkert hafði heyst frá honum, ég veit ekki hvort hann lét sjá sig síðdegis, ég held ekki. Þetta er ekkert einsdæmi hér að menn mæti ekki þegar þeir hafa lofað að mæta einhvers staðar á ákveðnum tíma og að láta vita af ef eitthvað hefur breytst svo menn geti ekki mætt á tilteknum tíma þekkist alls ekki. Tölvumaðurinn okkar lofaði að vera hér á miðvikudag og enn er hann ókominn og ekkert hefur frést af ferðum hans. Þetta er ekkert áríðandi sem hann þurfti að gera svo ég hef látið hann í friði og ef ég ýtit ekki við honum er ég alveg viss um að hann lætur aldrei sjá sig hér.

Afmæli

Veður: 2,8°/20,9° Léttskýjað.

Þegar ég kom út í bílskúr í morgunn og leit á dekurdósina sá ég að á framrúðunni var einhverskonar móða, ég reyndi að þurrka þetta af og jú rúðan lagaðist, en ekki alveg nógu vel. Um síðir var mér ljóst hvernig á þessu stóð, þetta var saltúði frá því í gær að við fórum til Aveiro. Þar var sterkur vindur frá hafinu og það hefur verið svona mikið salt í loftinu, samt er Aveiro 8 Km. frá ströndinni. Í dag fékk dekurdósin svo þrifabað og er nú orðin glansandi fin.

Gunnar sonur Þórunnar á fertugsafmælií dag. Þórunn hringdi til hans í morgunn í tilefni dagsins, en hann býr í Malasíu, svo það er ekki hægt að heilsa upp á hann á þessum merku tímamótum í lífi hans.
Við erum búin að koma á þeirri hefð að fara út að borða, eða í kaffi, þegar einhver í fjölskyldunni á afmæli, því við eigum þess ekki kost að fagna með fólkinu sjálfu. Við brugðum ekki út af vananum í dag, byrjuðum á að fá okkur að borða fórum síðan að útrétta og þegar því var lokið fórum við í afmæliskaffi, svo við erum búin að halda rækilega upp á afmæli Gunnars í dag.

Veður

Vepur: 10,3°/17,6° úrkoma 8 mm. Þurrt í dag og léttskýjað af of til, talsverður vindur sem er fremur sjaldgæft hér í dalnum.

Rigning

Veður: 5°/14,5° úrkoma 36 mm. Það byrjaði að rigna klukkan níu í morgunn og rigndi látlaust í allan dag til klukkan að verða sex.
Þessi rigning varð þess valdandi að við höfum ekki farið út fyrir dyr, nema til að gefa kattarflækingum sem eru fastir kostgangara hér.
Það koma ekki svo margir dagar hér sem rignir látlaust allan daginn að það er alveg í lagi að vera bara inni þá daga.
Það er ágætt að bregða sér á stigvélina á svonan dögum til að hressa sig eftir langa setu við tölvuna.

Veður:

Veður: 2,0°/19,9° Þunn skýjaslæða, eð a mistur í lofti í dag, en sólin náði í gegn um miðjan daginn.

Hvar er batavegurinn?

Veður: 5,7°/15,3° úrkoma 8 mm. rigning fram yfir hádegi, en léttskýjað síðdegis.

Þórunni miðar hægt en örugglega áleiðis fram á við á sinum batavegi. Það er nú bara þannig þegar maður lendir í að fá kvef, hálsbólgu, eða önnur umgangsveikindi að þá fer ákveðinn tími í að kljást við veikindin áður en það tekst að losna frá þeim og fara að feta sig eftir batavegium. Oft miðar hægt áfram í fyrstu og vegurinn er nokkuð torfær, en svo kemur þar að hann verður greiðfærari og þá miðar betur áfram og að lokum er hægt að taka til fótanna og forða sér langt í burtu frá veikindunum.
Talandi um bataveginn, þá minnist ég lítils frænda míns sem varð mjög ungur þegar hann var orðinn læs og eitt sinn var hann að lesa frétt um mann sem hafði lent í slysi og í fréttini var sagt að maðurinn væri á batavegi. Þá spurði sá stutti Pabba sinn " Pabbi hvar er þessi batavegur?" Sem von var hélt hann að þarna væri átt við enhvern venjulegan veg sem maðurinn væri staddur á.

Veður: 13,9°/20,4° úrkoma 5 mm. Alskýjað til hádegis, en þá fór að birta og síðdegis sá til sólar af og til

Þórunn er búin að vera með slæma hálsbólgu síðan á fimmtudag, en virðist nú vera að komast á þann góða veg sem kallaður er batavegur. Hún hefur alveg sloppið við að fá þessar umgangspestir sem hafa verið að hrjá mig í vetur, en nú er röðin komin að henni. Það er kostur að geta skipst á vöktum í þessu, það væri verra ef við værum bæði lasin á sama tíma.

Við slepptum að fara í leikfimi á föstudag vegna veikindanna, en ég hjólaði þess í stað, sem var síst verra.

Ég hef svolítið verið að vinna í garðinum síðustu daga og eins og sjá má á meðfylgjandi mynd er margt þar sem gleður augað þessa dagana.

Veður

1. mars. Veður 6,3°/21,1° léttskýjað.
2. Mars. Veður: 11,1°/19,2° alskýjað og rigning undir kvöldið.

Tilraun

Ég hef ekki komist inn á heimasíðuna mína í aðaltölvunni síðustu daga og n´geri ég tilraun með hvort mér tekst að skrifa inn á síðuna í fartölvunni.